კორცხელის ინციდენტზე ხმაური ბუნებრივია, მაგრამ სიჩუმე სამართალდამცავების შემაშფოთებელი

კორცხელის ინციდენტზე ხმაური ბუნებრივია, მაგრამ სიჩუმე სამართალდამცავების შემაშფოთებელი - პრეზიდენტი

პოლიტიკა - 23:12, 01 Jun, 2016

1928

საქართველოს პრეზიდენტი მიიჩნევს, რომ კორცხელის ინციდენტთან დაკავშირებული ხმაური ბუნებრივია. მისი თქმით, დამაფიქრებელია ის სიჩუმე სამართალდამცველი ორგანოები ინარჩუნებენ.

"2016 წლის საპარლამენტო არჩევნები არის ყველაზე მნიშვნელოვანი სახელმწიფოებრივი გამოწვევა, რაც ჩვენს ქვეყანას აქვს თავისი ევროპული და ევროატლანტიკური ინტეგრაციის გზაზე და როგორც ქვეყანას, რომელიც დემოკრატიას აშენებს. ამ რეპეტიციის მიმართ სამაგალითო პოზიცია და რეაქცია უნდა ყოფილიყო. ასე რომ ხმაური, რომელიც არის როგორც საზოგადოებაში, ასევე პოლიტიკოსებების მხრიდან, არის სრულიად ბუნებრივი, მაგრამ სიჩუმე, რომელსაც ჩვენ ვისმენთ სამართალდამცველებისგან, არის არაბუნებრივი და შემაშფოთებელი”, - განაცხადა მარგველაშვილმა.

პრეზიდენტის განცხადებით, "უჩნდება ეჭვი, რომ მმართველ კოალიციაში არის გარკვეული მოძველბიჭო დაჯგუფება, რომელიც ასე უყურებს ამ პროცესებს".

”ეს არის თავქარიანი, მოძველბიჭო დაჯგუფება, რომელმაც ”ნაციონალური მოძრაობისგან” ზონდერული პოლიტიკა წარმატებით გადმოიბარა , ასევე მთელი მექანიზმები, რომელიც ამ პარტიას ჰქონდა და რომელსაც ძალიან ნათელი უარი ვუთხარით ოთხი წლის წინ, ასე უყურებს პოლიტიკას და პოლიტიკურ ცხოვრებას საქართველოში. მათ ”ნაციონალების” მიერ შექმნილი რაღაცა ძალადობრივი სისტემა გადმოიფორმეს და ახლა ეს რაღაც დაჯგუფება საქართველოს სთავაზობს, რომ ასე წარმართავს პოლიტიკას. ძალიან ნათლად ქართულმა საზოგადოებამ ”ნაციონალურ მოძრაობას” სწორედ ამ ძალადობის გამო უარი უთხრა და გაუშვა ხელისუფლებიდან. არავის ეგონოს, რომ ისინი შეძლებენ იგივე მექანიზმებით თავს მოახვიონ საზოგადოებას რაიმე ტიპის გადაწყვეტილება”, - განაცხადა მარგველაშვილმა.