ყველამ დაინახა ის აბსოლუტური გაუგებრობა, სანამდეც საუკუპაციო რეჟიმი მივიდა

ყველამ დაინახა ის აბსოლუტური გაუგებრობა, სანამდეც საუკუპაციო რეჟიმი მივიდა - პრეზიდენტი კისკას ვიზიტს აფასებს

პოლიტიკა - 21:47, 01 Jun, 2016

1535

საქართველოს პრეზიდენტმა გიორგი მარგველაშვილმა სლოვაკეთის პრეზიდენტის სახელმწიფო ვიზიტი "აჭარის ტელევიზიის“ გადაცემა "მთავარ ამბებში" შეაჯამა.

პრეზიდენტის განცხადებით, ანდრეი კისკა არის გამორჩეული ადამიანი, და საქართველოს მეგობარი.

მარგველაშვილმა ვიზიტის დასასრულისას კისკას სიტყვებზე გაამახვილა ყურადღება და აღნიშნა: "საქართველოს ჰყავს ძალიან სერიოზული მეგობარი სლოვაკეთში".

პრეზიდენტის განცხადებით, ამ ვიზიტმა ქართველ ბიზნესმენებს მისცა საშუალება ესაუბრათ სლოვაკელ კოლეგებთან და მათთან რიგი პროექტები განეხილათ.

მარგველაშვილმა ანდრეი კისკასთან ერთად ხურვალეთში, საოკუპაციო ხაზის მონახულებას ყველაზე მტკივნეული მომენტიც უწოდა. ქვეყნის პირველი პირის თქმით, ყველამ დაინახა ის აბსოლუტური გაუგებრობა სანამდეც საუკუპაციო რეჟიმი მივიდა.

"ყველაზე მტკივნეული იყო გუშინ, საოკუპაციო ხაზთან მისვლა. პრეზიდენტის ამ აქტს, ამ პოზიციას გამოხმაურება ჰპოვა სლოვაკურ და დასავლურ მედიაში. ყველამ დაინახა ის აბსურდი რაც ხდება ხურვალეთში, ის აბსოლუტური გაუგებრობა, სანამდეც საუკუპაციო რეჟიმი მივიდა - მავთულხლართით შუაზე გაყოფილი სოფელი - იქეთ ადამიანი, რომელსაც თავისი საკითხები აქვს მოსაგვარებელი, თავის ოჯახის, მისი მეუღლის ჯანმრთელობის საკითხები და ასე, ხელოვნურად, აბსურდულად გაყოფილია ჩვენი სამშობლო. ეს ძალიან შთამბეჭდავი და მეტყველი კადრები იყო და ბუნებრივია ეს კადრები გავლენას მოახდენს ჩვენს მეგობრებზე, რომლებიც მხარს გვიჭერენ არაღიარების ნაწილში, მხარს გვიჭერენ დევნილთა და ლტოლვილთა ღირსეული დაბრუნების საკითხში, ბუნებრივია ყველაზე მნიშვნელოვანია რომ მხარს გვიჭერენ იმაში რომ საქართველოს ტერიტორიული მთლიანობა რომ უნდა აღდგეს"- აღნიშნა პრეზიდენტმა.