ეკა ბესელია წამებისა და არაადამიანური მოპყრობის წარსულის პრაქტიკის თაობაზე ანგარიშს წარადგენს

პოლიტიკა - 20:12, 01 Jun, 2016

1290

პარლამენტის ადამიანის უფლებათა დაცვის კომიტეტი წამებისა და არაადამიანური მოპყრობის წარსულის პრაქტიკის თაობაზე ანგარიშს წარდგენას ხვალ გეგმავს.

სამუშაო ჯგუფის მიერ მომზადებული ანგარიშს დაინტერესებულ პირებს ხვალ, სასტუმრო “ჰუალინგში“ წარუდგენენ.
ცნობილია, რომ პრეზენტაციას პრემიერ-მინისტრი, პარლამენტის თავმჯდომარე, აღმასრულებელი ხელისუფლებისა და საკანონმდებლო ორგანოს წევრები, საქართველოში აკრედიტებული დიპლომატიური კორპუსის, საერთაშორისო და ადგილობრივი არასამთავრობო ორგანიზაციების წარმომადგენლები დაესწრებიან.

ანგარიშს ადამიანის უფლებათა დაცვის კომიტეტის თავმჯდომარე ეკა ბესელია წარადგენს.
მისი თქმით, შესწავლილია ათასობით განცხადება და საჩივარი. ჩატარდა კვლევა, მათ შორის გამოვიყენეთ ღია საზოგადოება - საქართველოს“ მიერ ჩატარებული კვლევა და ყველა საერთაშორისო ორგანიზაციის და პირველ რიგში, გაერო-ს ადამიანის უფებათა დაცვის კომიტეტს დასკვნა და რეკომენდაციები.
"მთლიანობაში დოკუმენტი ძალიან მნიშვნელოვანია. ჩვენ ვითხოვთ, რომ პარლამენტმა შესაბამისი დადგენილება მიიღოს, სადაც შეფასება მიეცემა რა ხდებოდა წარსულში და იქნება მომავლის ხედვა. გარდა იმისა, რომ უნდა შეფასდეს ის ძალადობრივი სისტემა, რაც წლების განმავლობაში იყო, ჩვენ შევიმუშავეთ ახალი სტანდარტი ადამიანის უფლებათა კუთხით, რეკომენდაციები, რომელსაც პარლამენტსა და საზოგადოებას ვთავაზობთ“- ამბობს ბესელია.