R2 - ის მოსამართლე ნათია გუჯაბიძე თაღლითობისთვის პროკურატურის მიერ იდევნება

R2 - ის მოსამართლე ნათია გუჯაბიძე თაღლითობისთვის პროკურატურის მიერ იდევნება - ნიკა გვარამია

პოლიტიკა - 18:04, 01 Jun, 2016

10080

ტელეკომპანია რუსთავი2-ის გენერალურმა დირექტორმა „რუსთავი2’-ის სასამართლო პროცესთან დაკავშირებით საგანგებო ბრიფინგი გამართა. ნიკა გვარამიამ ახალ აღმოჩენილი გარემოებაზე ისაუბრა და განაცხადა, რომ მოსამართლეთა კოლეგიის ერთ-ერთი წევრი ნათია გუჯაბიძე პროკურატურის მხრიდან თაღლითობისთვის იდევნება:

„ჩვენთვის ძალიან მნიშვნელოვანი გარემოება გახდა ცნობილი რამდენიმე საათის წინ, ერთ-ერთი მოსამართლე, ქალბატონი ნათია გუჯაბიძე ჩვენი ინფორმაციით იდევნება თაღლითობისთვის საქართველოს პროკურატურის მიერ. 2014 წელს მას გამოეყო სახელმწიფოს მხრიდან სახსრები იმ მოტივით, რომ განაცხადა, მას არ ჰქონდა საცხოვრებელი სახლი თბილისში, სამოსამართლო უფლებამოსილების განხორციელებისთვის სჭირდებოდა ანაზღაურება, რაც მიღებული პრაქტიკაა.

აღმოჩნდა, რომ მას სახლი ჰქონდა და ბინას ქირაობდა საკუთარი დედისგან, შესაბამისად იგი ითვისებდა ამ თანხებს უკანონოდ, ეს ცნობილი აგხდა იუსტიციის საბჭოსთვის და იწყო მოკვლევა, მაშინდელმა ხელმძღვანელმა ბატონმა კუბლაშვილმა მოითხოვა საქმის პროკურატურაში გადაცემა, თუმცა ახლადდანიშნულმა საბჭოს წევრებმა ამას მხარი არ დაუჭირეს, ვინდაიდან ქალბატონი გუჯაბიძე ყოველთვის ასოცირდებოდა წულუკიანის გუნდთან და ძაღლმა ძაღლის ტყავი არ დახია, უფრო მეტიც, არა თუ პროკურატურაში გადაგზავნაზე ეთქვა უარი, არამედ სადისციპლინო დევნის ნაწილშიც უარი ითქვა და სადისციპლინო კოლეგიას არ გაეგზავნა ეს საქმე, როგორც სამოსამართლო ეთიკის დარღვევაც კი და ნათია გუჯაბიძეს აკმარეს მხოლოდ სარეკომენდაციო ბარათი, რითიც დგინდება, რომ ქალბატონ გუჯაბიძ როგორც მინიმუმ ცრუობდა, მაგრამ სამართლებრივად თუ ვიტყვით, თაღლითობდა და ფლანგავდა სახელმწიფო ქონებას. ჩვენი ინფორმაციით, საქართველოს პროკურატურა ფლობს ამ ინფორმაციას და ამ ინფორმაციით მიმდინარეობს ზეწოლა ქალბატონ გუჯაბიძეზე.

მე მოვუწოდებ იუსტიციის უმაღლეს საბჭოს, მისთვის მიმართვას აზრი არ აქვს, იმიტომ, რომ კონფიდენციალურობის მოთხოვნით პასუხს არ გაგვცემენ, მოვუწოდებ იუსტიციის უმაღლეს საბჭოს, გაასაჯაროვოს ამ წარმოების ყველა მასალა, იმიტომ, რომ საზოგადოებრივი ინტერესი არის ძალიან მაღალი.“, - განაცხადა ნიკა გვარამიამ.