„ევროპელი დემოკრატების“ ლიდერის პაატა დავითაიას განცხადებით, თუ ტელეკომპანია „რუსთავი2“ დაიხურება ქვეყნის დემოკრატიას და არჩევნების ბედს დაესმება სერიოზული კითხვის ნიშანი. ამის შესახებ პაატა დავითაიამ გადაცემა „არჩევანში“ სტუმრობისას ისაუბრა:

„ეს არ არის მარტო მედია საშუალებაზე შეტევა , გრძელდება შეტევა საარჩევნო კოდექსთან დაკავშირებით და ყალიბდება ისეთი საარჩევნო სისტემა, რომელზეც კონსენსუსი ვერ შედგა და ვინ აშუქებს ამას? ვინ აშუქებს არჩევნების თემებს? მოდი ვთქვათ სიმართლე, ეს არის რუსთავი2. ჩვენ აგრეთვე ვხედავთ როგორი სოციალური მდგომარეობაა ქვეყანაში და ამას საზოგადოება ხედავს რუსთავი2-ის საშუალებით. რუსთავი2 აშუქებს რეალობას და ეს რეალობა აღიზიანებს ხელისუფლებას. ჩვენ უნდა დავიცვათ ეს ტელეკომპანია, რომელიც გვაძლევს ღიად საუბრის საშუალებას იმ პრობლემებზე რა პრობლემებიც ქვეყანაშია. თუ ეს ტელეკომპანია დაიხურება ქვეყნის დემოკრატიას, არჩევნების ბედს დაესმება სერიოზული კითხვის ნიშანი. პროცესები გადავა სხვა მიმართულებით. ამ ტელეკომპანიის დახურვით არჩევნები დაიწყება არა 8 ოქტომბერს , არამედ იმ დღეს როცა დაიხურება ეს ტელევიზია და დამტავრდება ხელისუფლების ცვლილებით.“- განაცხადა პაატა დავიტაიამ.