„ქრონიკა +“-ის რედაქტორი, ელისო კილაძე „რუსთავი 2“-ის პროცესთან დაკავშირებით საუბრისას ორ ფაქტს იხსენებს, რომელიც ტელეკომპანიის საქმეს უკავშირდება.

კილაძის განცხადებით, მოსამართლეთა კოლეგიის ერთ-ერთი წევრი ნათია გუჯაბიძე, გუშინ ღამით მთავრობის კანცელარიაში იმყოფებოდა, ეკა ბესელია კი ასევე გუშინ, იუსტიციის მინისტრს, თეა წულუკიანს შეხვდა:

„თუ საშუალება მექნება და 3 ივნისს პროცესზე შემიშვებენ, შევეცდები ნათია გუჯაბიძეს ეს კითხვა დავუსვა და ალბათ, რა თქმა უნდა გამომაძევებენ და დამაჯარიმებენ კიდეც, იმიტომ, რომ მას ამ კითხვაზე პასუხი არ ექნება, ნათია გუჯაბიძე, მოსამართლეთა კოლეგიის ერთ-ერთი წევრი გუშინ, ღამით თორმეტის ნახევარზე იმყოფებოდა სახელმწიფო კანცელარიაში, მე ლეგიტიმური კითხვა მაქვს, რას აკეთებდა? ვის შეხვდა? ან ისე გააკეთონ, რომ ჩვენ ვერ გავიგოთ ან როცა გააკეთებენ, კეთილი ინებონ და ამ კითხვებზე პასუხი გასცენ.

გუშინვე შედგა შეხვედრა ქალბატონ ეკა ბესელიასა და იუსტიციის მინისტრს შორის, იუსტიციის სამინისტროში ბრძანდებოდა ქალბატონი ეკა სტუმრად, იქ ხანმოკლე თათბირი გაიმართა, ამის შემდეგ ქალბატონი ეკა ურეკავს მერაბ ტურავას, საკონსტიტუციო სასამართლოს ერთ-ერთ მოქალაქეს და უსვამს მას შეკითხვას, „აქ სააპელაციოს კოლეგიის საქმე გარკვეულია, რა ხდება თქვენთან საკონსტიტუციო სასამართლოში?“, რას ნიშნავს ეს?“, - განაცხადა ელისო კილაძემ.