"მზად ვარ 1 ლარად დავრჩე, ოღონდ გადაცემებმა გააგრძელონ მაუწყებლობა"- ისაკაძის მიმართვა "მაესტროს" მენეჯმენტს

პოლიტიკა - 22:37, 31 May, 2016

2187

”ბიზნესკონტაქტის”, ”საქმიანი დილას” და ”ანალიტიკის” პროექტების პროექტების ავტორი და მენეჯერი გიორგი ისაკაძემ გადაცემა „არჩევანის“ ეთერში მაესტროს მენეჯმენტის მხრიდან მასთან ხელშეკრულების გაწყვეტაზე ისაუბრა და მაესტროს ხელმძღვანელობას შეთავაზება გაუკეთა. ისაკაძის თქმით თუ „მაესტროს“ ხელმძღვანელობას მასთან ფინანსური პრობლემები აქვს ის მზადაა ტელევიზიაში სამუშაოდ სიმბოლურ ხელფასზე- 1 ლარად დარჩეს. პირობა კი ისაა, რომ მისმა საავტორო გადაცემებმა და ჟურნალისტებმა მუშაობა ჩვეულ რეჟიმში გააგრძელონ.

„დღეს გადაცემების თანამშრომლებმა თქვეს, რომ წყალგამყოფი გადის იმაზე, რომ გიორგი ისაკაძე იყოს ამ პროექტების ხელმძღვანელი. თქვენგან ნახსენები იყო ფინანსური თემები. თუ თქვენ მზად ხართ და თქვენ სხვა მიზნები არ გამოძრავებთ ამ გადაცემებთან დაკავშირებით. მე გიორგი ისაკაძე ვაცხადებ შემდეგს: მე მზად ვარ ერთ ლარად დავრჩე ამ გადაცემის ხელმძღვანელად, ოღონდ ამ ბავშვებმა და ამ პროექტებმა, რომელიც პირადად ჩემი შექმნილია გააგრძელონ მაუწყებლობა . არჩევანი „არჩევანის“ სტუდიიდან არის თქვენ მხარეს.“- განაცხადა გიორგი ისაკაძემ.