"მე ვერავის წამოვაძახებინებ „ია პომნუ ვაშუ გადაცემუ“ და ვის მოუწევს ბუტკაში შესვლა გამოჩნდება"- უდუმაშვილი

პოლიტიკა - 22:20, 31 May, 2016

13016

ტელეკომპანია „რუსთავი2“-ის ირგვლივ განვითარებულ მოვლენებთან დაკავშირებით რ2-ის გენერალური დირექტორის მოადგილემ ზაალ უდუმაშვილმა გადაცემა „არჩევანში“ ისაუბრა. უდუმაშვილის თქმით ცხადია, რომ რუსთავი2-ის გაჩუმება ივანიშვილის ინტერესებშია:

„ბიძინა ივანიშვილი სერიოზული არჩევანის წინაშე დაადგა, ერთი მხრივ ეს არის შემოდგომაზე „რუსთავი 2“-ის ფონზე არჩევნებზე გასვლა , რაც მისთვის არასახარბიელო პროგნოზია , მეორე კი არის „რუსთავი 2“-ის გარეშე არჩევნებზე გასვლა, რაც ასევე ძალიან ცუდი პერსპექტივაა იმ მხრივ, რომ ამას სერიოზული სამოქალაქო მღელვარება მოჰყვება და ასევე საგარეო ფაქტორები იქნება ძალიან სერიოზული. მაგრამ ივანიშვილმა არჩევანი ალბათ უკვე გააკეთა და ურჩევნია ქვეყანა დააზარალოს საბოლოოდ ოღონდ „რუსთავი 2“ არ იყოს. თუმცა არის კიდევ ერთი ფაქტორი, რომელიც ჯერ ვერ გაიაზრა ეს არის თავად „რუსთავი 2“, ანუ ჩვენ თუ ვინმეს გონია, რომ სასამართლო თუ ქიბარ ხალვაშს გადასცემს, ჩვენ დავდგებით და თავს დავუქნევთ ძალიან ცდებიან. როდესაც უკანონობა სასამათლოს სახელით სრულდება ქვეყანაში ამას უნდა ებრძოლო ყველა მეთოდით. მე ვერავის წამოვაძახებინებ „ია პომნუ ვაშუ გადაცემუ“ და ამ შემთხვევაში ვის მოუწევს ბუტკაში შესვლა ეს უახლოეს თვეებში გამოჩნდება“- განაცხადა ზაალ უდუმაშვილმა.