რუსთავი 2-ის პროცესის გამო მოსამართლეთა კოლეგიის წევრებმა 31 მაისს ჩანიშნული სხვა საქმეები გადადეს

პოლიტიკა - 13:17, 31 May, 2016

3706

რუსთავი 2, არასამთავრობო და პოლიტიკური სპექტრის ნაწილი სააპელაციო სასამართლოს პროცესის ფორსირებაში ადანაშაულებენ.

დღევანდელ სხდომაზე ტვ საქართველოს წარმომადგენლებმა მოითხოვეს საქმის განხილვის გადადება, მიზეზად კი დასახელდა ის რომ მათ სხვა პროცესები ჰქონდათ, თუმცა მოსამართლეთა კოლეგიამ ამ შუამდგომლობაზე უარი თქვა.

ტვ საქართველოს წარმომადგენლები აცხადებენ, რომ , დღეისთვის ჩანიშნული აქვთ სხვა პროცესიც და ამის შესახებ რამდენიმეჯერ გააფრთხილეს რუსთავი 2-ის საქმის განმხილველი სასამართლოც. ადვოკატის განცხადებით, მაშინ ნატა ნაზღაიძის კოლეგიამ განმარტა, რომ 31 მაისი მათ განრიგში დაკავებული იყო და სხდომა დღეს არ გაიმართებოდა. გუშინ, 30 მაისის, დღის ბოლოს, კი მხარეებისთვის მოულოდნელად განხილვის გაგრძელება სწორედ დღეისთვის დაიგეგმა.

ამასთან როგორც ირკვევა, რუსთავი 2-ს საქმის განმხილველი მოსამართლეთა კოლეგიის წევრებს, დღეს დილიდან ჩანიშნული ჰქონდათ რამდენიმე, სრულიად სხვა პროცესი, თუმცა, მათ მიერ, გუშინ რუსთავი 2 -ის საქმის განხილვის ბოლო, მოულოდნელად მიღებული გადაწყვეტილების შემდეგ, რომ რუსთავი 2-ის ხელახალი პროცესი ჩანიშნულიყო, შეიცვალა მათი დღის წესრიგი და გადაიდო ის საქმეები, რომლებიც მათ დილიდან ჰქონდათ ჩანიშნული.

აღნიშნულ ინფორმაციას ადასტურებენ სამდივნოშიც, სადაც ამბობენ, რომ რადენიმე პროცესი, ნატალიანაზღაიძის და ნათია გუჯაბიძის მონაწილეობით, გადაიდო სწორედ მოსამართლეთა არასრული შემადგენლობის გამო.

შეგახსენებთ, რომ რუსთავი 2-ის საქმის განმხილველი მოსამართლეთა კოლეგიამ გუშინ მოულოდნელი გადაწყვეტილება მიიღო, რომ პროცესი განახლებულიყო დღეს.

სწორედ რუსთავი 2-ის პროცესი გახადა მიზეზი იმისა, რომ კოლეგიის წევრ მოსამართლეებმა შეცვალეს საკუთარი განრიგი და ყველა სხვა პროცესები, რომლებიც ჩანიშნული ქონდათ დღის პირველ ნახევარში, გაუქმებულია.