ტელეკომპანია რუსთავი 2-ის ირგვლივ მიმდინარე მოვლენებზე ამერიკის შეერთებულ შტატებში საუბრობენ. აშშ-ს ყოფილი ელჩი ნატო-ში, კურტ უოკერი მედიის თავისუფლების მნიშვნელობას უსვამს ხაზს და აცხადებს, რომ კონტროლირებადი მედია კონტროლირებად საზოგადოებას ნიშნავს.

„მედიის თავისუფლება გადამწვეტია საზოგადოებაში. თუ ვინმე აკონტროლებს ყველა იმ ინფორმაციას, რომელთანაც წვდომა აქვს მოსახლეობას, ამ ინფორმაციის საფუძველზე ახდენს მოსახლეობის დამოკიდებისთვის ფორმირებას. ეს არის უკვე არა თავისუფალი, არამედ კონტროლირებული საზოგადოება, თავისუფალ და განსხვავებულ ინფორმაციაზე წვდომას, აბსოლუტურად სასიცოცხლო მნიშვნელობა აქვს“, - აცხადებს კურტ უოკერი.

ამრიკის შეერთებულ შტატებში ტელეკომპანია რუსთავი 2-ის გარშემო განვითარებულ მოვლენებს განსაკუთრებული ყურადღებით აკვირდებიან. საქართველოში მედიის თავისუფლების საკითხზე სენატის შეიარაღებული ძალების კომიტეტის ხელმძღვანელმა, ჯონ მაკკეინმა ისაუბრა. „კურიერთან“ საუბრისას მაკკეინმა განაცხადა, რომ მედიის თავისუფლებასთან დაკავშირებით კითხვები არსებობს და საქართველომ თავისუფალი, სამართლიანი და რეგიონისთვის სამართლიანი არჩევნები უნდა უზრუნველყოს.