საარჩევნო სისტემის ე.წ გერმანულ მოდელთან დაკავშირებით დღეს პარლამენტის იურიდიულ კომიტეტზე იმსჯელებენ.

სხდომას, ბოიკოტის გამო, ნაციონალური მოძრაობის წევრები არც ამჯერად დაესწრებიან, თუმცა, ისინი მზად არიან კანონპროექტის დამტკიცების დროს სხდომაზე მივიდნენ და კენჭისყრაში მონაწილეობაც მიიღონ:

„გერმანული მოდელი დღევანდელ მოდელს ჯობია , ეს იცის ბიძინა ივანიშვილმაც ის გააკეთებს ყველაფერს, რომ ეს მოდელი არ გავიდეს. ბოიკოტის რეჟიმი რა თქმა უნდა გრძელდება, მაგრამ ასეთი მნიშვნელოვანი საკითხისთვის ჩვენ თეორიულად მზად ვიქნებოდით რომ ამაში მონაწილეობა მიგვეღო. „- განაცხადა პეტრე ცისკარიშვილმა.

ახალი მემარჯვენეების ლიდერის მამუკა კაციტაძის თქმით გერმანული მოდელის მიღება არ აწყობს არსებულ ხელისუფლებას და ამიტომ მიზეზად მისი კონსტიტუციასთან შეუსაბამობა მოჰყავს.

„ეს ერთადერთი საშუალებაა, რომელიც არსებულ საარჩევნო სისტემას გააუმჯობესებს. ის არის უფრო სამართლიანი და კონსტიტუციური ვიდრე მოქმედი სისტემა. მაგრამ ეს მოდელი არ უნდა არსებულ ხელისუფლებას“- განაცხადა მამუკა კაციტაძემ