,,ივანიშვილი საპნის ბუშტში ცხოვრობს და რეალობას აცდენილია“

,,ივანიშვილი საპნის ბუშტში ცხოვრობს და რეალობას აცდენილია“ - ნიკა რურუა ექსპრემიერის წერილზე

პოლიტიკა - 14:49, 30 May, 2016

1855

სასაცილოს და რეალობასთან აცდენილს უწოდებს ექსპრემიერის ბიძინა ივანიშვლის მიერ დღეს გამოქვეყნებულ ღია წერილს საზოგადოება ,,ივერიას“ დამფუძნებელი ნიკა რურუა.

,,ეს წერილი არანაირ კრიტიკას არ უძლებს, ეს არის ერთი დიდი სადღეგრძელო, სადაც ადამიანს აშკარად ფიქსაცია აქვს რაღაც თემებზე, რომელიც არავის აღარ სჯერა. ის ცხოვრობს საპნის ბუშტში, სადაც, როგორც სჩანს, ეუბნებიან იმას, რაც მას სიამოვნებს და ის ჯიუტად არის უკვე კონფლიკტში რეალობასთან. ამ ადამიანმა ვერანაირი გაკვეთილი ვერ ისწავლა, აწვება პირველ ჩვენებას და იმეორებს იმ სისულელეებს, რაც მისგან არაერთხელ მოგვისმენია - რომ ის არის საქართველოს დემოკრტაიის შუქურა, თავისუფლების შემომტანი, პროდასავლური პოლიტიკოსი, რომ ყველაფერი არის კარად... ეს რადიკალურად განსხვავდება რეალობისგან და ჩემი აზრით, ეს კაცი ყველაფერს გააკეთებს და იკადრებს, რომ ძალაუფლებაში ასე არაფორმლურად დარჩეს“ - აცხადებს რურუა ,,ნიუპოსტთან“.

კულტურის ყოფილი მინისტრი ამბობს, რომ არაფრომალური მმართველობით, ექსპრემიერს მისთვის კომფორტული პოზა უჭირავს - ,,ერთის მხრივ არანაირი ანგარიშვალდებულება არ აქვს, არანაირი თანამდებობა არ უჭირავს და მეორეს მხრივ, იღებს გადაწყვეტილებებს და ამ ბრიყვულ გადაწყვეტილებებზე პასუხისმგებლობა აწვება არა მას, არამედ რომელღაცა მის მარიონეტს. ამ წერილის უდიდესი ნაწილი არის მისი ძველი წერილის ციტირებები და ამას აკეთებს ისე, თითქოსდა ციტირებდეს ვიღაცა დიდ მოაზროვნეს. ძალიან სასაცილო წერილია და სერიოზულად მიჭირს კიდეც საუბარი, მაგრამ ფაქტია, რომ ეს კაცი აცდენილია რეალობას“ - აცხადებს ნიკა რურუა.