ივანიშვილს არ უნდა აღიაროს, რომ მისი ხელისუფლების შეცდომების გამო აღმოჩნდა ქვეყანა მძიმე დღეში- ჯაფარიძე

პოლიტიკა - 14:52, 30 May, 2016

2220

ახალი პოლიტიკური ცენტრის "გირჩის" დამფუძნებელი ზურაბ ჯაფარიძე ყოფილი პრემიერ-მინისტრის ბიძინა ივანიშვილის მიმართვის ეკონომიკურ ნაწილს "ნიუპოსტთან" აფასებს.

ჯაფარიძე ოპოზიციის სხვა წევრების მსგავსად მიიჩნევს, რომ ივანიშვილის წერილი რეალობას არ ასახავს.

"ყველა კარგად ხედავს და ამჩნევს ქვეყანაში არსებულ მძიმე ეკონომიკურ მდგომარეობას, ამ წერილში მოყვანილი ეკონომიკური მაჩვენებლები მთლიანად აცდენილია რეალობას. ივანიშვილს არ უნდა აღიაროს, რომ მისი ხელისუფლების მიერ დაშვებული შეცდომების გამო აღმოჩნდა ქვეყნის მოსახლეობა მძიმე დღეში. ნამდვილად არ არის სასიხარულო ის ფაქტი რომ 3 % - იან ზრდას ძლივს ვაღწევთ. ეკონომიკური ზრდის ტემპი პრაქტიკულად 0-მდე ჩამოვიდა. ქვეყნის ეკონომიკა პრაქტიკულად გაჩერებულია არადა ეკონომიკური ზრდა ყველაზე მთავარია"- აღნიშნა "გირჩის" დამფუძვნებელმა.

ჯაფარიძემ "ნიუპოსტთან" ის გზები დაასახელა, რითაც მისი თქმით, ეკონომიკის მძიმე შედეგების გამოსწორებაა შესაძლებელი: "თავისუფალი სავალუტო რეჟიმი, მოგებისა და საშემოსავალო გადასახადების გაუქმება, მთავრობის ზომისა და ბიუჯეტის შემცირება ქვეყნის საინვესტიციო მიმზიდველობის გაუმჯობესება, ინვესტიციების მოცულობის და ეკონომიკის ზრდა".