ამერიკის შეერთებული შტატების ელჩი საქართველოშ, იან კელი „რუსთავი 2“-ის სასამართლო პროცესთან დაკავშირებით კომენტარს აკეთებს. კელის განცხადებით, მათ სურთ რომ არჩევნები თავისუფალ და სამართლიან გარემოში ჩატარდეს.

„ვინაიდან ეს საქმე ჯერ სააპელაციო სასამართლოში განიხილება, დეტალებზე კომენტარს ვერ გავაკეთებ. არაერთხელ გვითქვამს, რომ საარჩევნო წელია, გვინდა, რომ არჩევნები თავისუფალ და სამართლიან გარემოში ჩატარდეს, ის უნდა შეფასდეს ისე, რომ ქართველი ხალხის ნებაა გამოხატული. მედია გარემო ღია და თავისუფალი უნდა იყოს, სწორედ ამიტომ ამ საქმეს ყურადღებით ვაკვირდებით, ძალიან მნიშვნელოვანია ამ არჩევნების დროს ყველა ხმა იყოს გაჟღერებული, რუსთავი 2 მნიშვნელოვან როლს ასრულებს, რომ ეს ასე იყოს“,- განაცხადა იან კელიმ.