ამერიკის შეერთებული შტატების ელჩი იან კელი კორცხელში ერთი კვირის წინ მომხდარ ინციდენტს პოლიტიკურ ძალადობას უწოდებს:

„ის, რაც მოხდა კორცხელში, აბსოლუტურად მიუღებელია. ეს იყო პოლიტიკური ძალადობა, რაც მიუღებელია საერთოდ დემოკრატიული ქვეყნისთვის, დემოკრატიული განვითარებისთვის ნებისმიერ ქვეყანაში. ასეთი ინციდენტები განსაკუთრებით საარჩევნო წელს, სამართლიან საარჩევნო გარემოს ზიანს აყენებს. ჩვენ გვაქვს ურთიერთობა და საუბარი საქართველოს მთავრობასთან, წავახალისეთ და მოვუწოდეთ მას, რომ ეს ინციდენტი ბოლომდე იყოს გამოძიებული, სწორედ იმისთვის, რომ პოლიტიკურ ზეწოლას და ძალადობას არ ჰქონდეს ადგილი“, - განაცხადა იან კელიმ.