საქართველოს პრეზიდენტი სლოვაკელ კოლეგას მასპინძლობს. დახურული შეხვედრის შემდეგ გიორგი მარგველაშვილმა და ანდრეი კისკამ მედიისთვის განცხადებები გააკეთეს.

„ეს ნამდვილად ისტორიულად პირველი ვიზიტია სლოვაკეთის პრეზიდენტისა სქართველოში, მინდა აღვნიშნო, რომ სანამ ჩამოვიდოდი, ბევრი ვისაუბრეთ სლოვაკეთში თუ როგორ ვხედავთ საქართველოს, რა შეხედულებები გაგვაჩნია, ეს არის ქვეყანა, რომელიც მდიდარია ისტორიული მემკვიდრეობით, ულამაზესი ბუნებით, მე წავალ და თან გამყვება უდიდესი შთაბეჭდილებები. მე ჩამოვედი იმისათვის, რომ იმპულსი მივცე ორ ქვეყანას შორის ურთიერთობის განვითარებას.

ბედნიერი ვარ, რომ ბიზნეს ჯგუფი ჩამოვიდა ჩემთან ერთად. მე ვიმოგზაურებ ქვეყანაში, შევისწავლით თუ როგორ დავეხმაროთ ორივე ქვეყნის ეკონომიკის განვითარებას. ვიცით რომ თქვენი კულტურული პროდუქტი არის საკმაოდ მაღალი პოტენციალის მქონე. ჩამოვედი, რომ მხარი დაგიჭიროთ თქვენ, თქვენს ხალხს იმ გზაზე, რომელიც საქართველოს წაიყვანს ევროპისა და ნატოსკენ. ვიცი, რომ უამრავი პრობლემა გაგაჩნიათ, მაგრამ ნაბიჯ-ნაბიჯ უნდა იაროთ წინ. ასოცირების შეთანხმება საქართველოს დიდ ძალას აძლევს. ეს არის ის ბილიკი, რომელზეც ივლით იმ ერთადერთი მიმართულებით. მიმაჩნია, რომ ბოლო სამიტის შემდეგ კარგი მოლოდინები უნდა გქონდეთ“, - განაცხადა ანდრეი კისკამ.