,,თუ ეს ინფორმაცია დადასტურდა, ჩვენ ჩვენი რეაგირება გვექნება“ - ჯანელიძე ოკუპირებულ აფხაზეთში onIFA-2016-ის ფეხბურთის ჩემპიონატის ჩატარებაზე

პოლიტიკა - 13:17, 29 May, 2016

6472

ოკუპირებულ აფხაზეთში დამოუკიდებელი საფეხბურთო ასოციაციების კონფედერაციის ეგიდით onIFA-2016-ის ფეხბურთის ჩემპიონატის ჩატარებასთან დაკავშირებით კომენტარი გააკეთა საგარეო საქმეთა მინსიტრმა. მიხეილ ჯანელიძის თქმით, ინფორმაცია გადამოწმდება და საგარეო უწყებას შესაბამისი რეაგირება ექნება.

“თვითონ ჩემპიონატის სახელი მიუთითებს, რომ ეს არის თვითაღიარებული ქვეყნების ტერიტორიების ჩემპიონატი და ხაზს უსვამს იმას, რომ ეს არის თვითორგანიზებული ღონისძიება. ამიტომ მას ვერ ექნება ვერანაირი მხარდაჭერა ვერცერთი საერთაშორისო ორგანიზაციიდან და, თუ ეს ინფორმაცია დადასტურდა, ჩვენ ჩვენი რეაგირება გვექნება. მაგრამ ეს არ არის, მგონი, გადამოწმებული ინფორმაცია და ჩვენ ჩვენის მხრივ, რა თქმა უნდა, გადავამოწმებთ,“ - განაცხადა მიხეილ ჯანელიძემ.

აფხაზეთის დე ფაქტო რესპუბლიკა არაღიარებული ქვეყნების მსოფლიო ჩემპიონატს ConIFA-2016-ს მასპინძლობს. ე.წ. ჩემპიონატის გახსნის საზეიმო ცერემონია სოხუმის დინამოს სტადიონზე უკვე გაიმართა და რუსულ მედიაში გაშუქდა კიდეც. ღონისძიებას რაულ ხაჯიმბა და საოკუპაციო რეჟიმის სხვა წარმომადგენლებიც დაესწრნენ. ე.წ ჩემპიონატის ფინალური მატჩი 5 ივნისს გაიმართება.