ბურჭულაძემ გუნდი დაასახელა- მოძრაობა „სახელმწიფო ხალხისთვის“ ლიდერი გამარჯვებაში დარწმუნებულია

პოლიტიკა - 15:51, 28 May, 2016

22258

მოძრაობა „სახელმწიფო ხალხისთვის“ ლიდერმა პაატა ბურჭულაძემ დღეს გამართულ პარტიის პირველ ყრილობაზე საზოგადოებას და მხარდამჭერებს თავისი გუნდი წარუდგინა. პაატა ბურჭულაძის თქმით დასახელებული ადამიანები მისი გუნდის მხოლოდ ნაწილია და მომავალში იმედი აქვს, რომ მის მოძრაობას კიდევ ბევრი ადამიანი შეუერთდება.

მოძრაობა „სახელმწიფო ხალხისთვის“ გუნდში არიან:
ქეთი ნიჟარაძე, ალექსანდრე ბაკურაძე, ტარიელ ჭულუხაძე, გოჩა ჭელიძე, ბექა ჟვანია, გიგა ნათენაძე, კობა ჩიხლაძე, ირმა დაუშვილი, ირაკლი ყიფიანი, გიორგი პაპავა, ზაზა მეფარიშვილი, ნინო ნადირაძე-კუზანოვა, გიორგი პაპელაშვილი, გიორგი თაქთაქიშვილი, ლაშა დვალიშვილი, ლადო კახაძე, მერაბ მეტრეველი, გიორგი რუხაძე, ხათუნა ლაგაზიძე, ორხან პირვერდაევი და არტიომ ჰამბარცუმიანი.

პაატა ბურჭულაძის განცხადებით მას სწამს, რომ საპარლამენტო არჩევნებში დიდი პროცენტით გაიმარჯვებს რადგან საქართველოს მოსახლეობას რეალური ცვლილებები სურს. ბურჭულაძის თქმით ხელისუფლებაში მოსვლის შემდეგ მისი გუნდი იბრძოლებს იმისთვის რომ ქვეყანამ ღირსეულად იცხოვროს, პოლიტიკური გავლენებისგან გათავისუფლდეს სასამართლო და პოლიცია. რეალური წინსვლა იყოს ეკონომიკაში და ადამიანების უფლებები იყოს დაცული:

„ვნანობ, რომ ყრილობა უფრო დიდ მოცულობაში არ გავაკეთეთ იმიტომ რომ ძალიან ბევრი ადამიანი დაგვრჩა გარეთ, მაგრამ ამას მალე გამოვასწორებთ, ძალიან ბევრი შეხვედრა გვექნება ჩვენს ამომრჩევლებტან. ხედავთ რომ ჩვენს გვერდში მთელი საქართველო დგას რადგან საქართველოს უნდა ცვლა. არ შეიძლება ასე გაგრძელება, იმიტომ კი არა რომ მე მინდა ასე, საქართველოს სჭირდება ეს. ამიტომ ყველა საღად მოაზროვნე ადამიანს, ვისაც უნდა რომ ქვეყანა განვითარდეს მოვუწოდებ, რომ შემოგვიერთდნენ.

მე შანსებზე არ ვილაპარაკებ, იმიტომ რომ ყველაფერი გადაწყვეტილია. ჩვენ გავიმარჯვებთ ძალიან დიდი პროცენტით, მაგრამ საქმე გამარჯვება არაა. მე მიმაჩნია, რომ მთავარია ქვეყანა წავიდეს წინ ამიტომაც მე მოვუწოდებ ამჟამინდელ ოპოზიციასაცდა ვინც შემდგომში იქნება ოპოზიცია მათაც, გავერთიანდეთ და რაღაც აზრი ჩამოვაყალიბოთ, რომ კი არ დავაპირისპიროთ ხალხი, როგორც რამდენიმე ხნის წინ იყო, არამედ სიკითე გავაკეთოთ და სიხარული და პატივისცემით შევქმნათ ეს ქვეყანა“- გაანცხადა პაატა ბურჭულაძემ.