"არასწორია უმრავლესობის პოზიცია, რომ რა შენიშვნებიც არ უნდა ქონდეს პრეზიდენტს , ვეტოს მაინც დაძლევენ"- ზურაბ აბაშიძე

პოლიტიკა - 12:02, 28 May, 2016

1787

„თავისუფალი დემოკრატების“ ერთ-ერთი ლიდერის ზურაბ აბაშიძის მოსაზრებით მიუღებელია უმრავლესობის მხრიდან წინასწარვე იმის დაანონსება, რომ ისინი საკონსტიტუციო სასამართლოს კანონზე დადებულ ვეტოს დაძლევენ. აბაშიძის თქმით ხელისუფლებამ შენიშვნებზე უნდა დაფიქრდეს და ამის შემდეგ უნდა მიიღოს გადაწყვეტილება. აღნიშნული განცხადებით აბაშიძე საკონსტიტუციო სასამართლოს კანონთან დაკავშირებით ვენეციის კომისიის მიერ გამოქვეყნებულ წინასწარ დასკვნას გამოეხმაურა:

„ძალიან არასწორია უმრავლესობის მიერ წინასწარ დაანონსებული პროცესი , თითქოს ისინი რა შენიშვნებიც არ უნდა ქონდეს პრეზიდენტს , ვეტოს მაინც დაძლევენ. იმედი მაქვს, რომ თუ პრეზიდენტი გამოაგზავნის შენიშვნებს ხელისუფლება ამაზე დაფიქრდება და მიიღებს სწორ რელევანტურ გადაწყვეტილებას.“- განაცხადა ზურაბ აბაშიძემ.

შეგახსენებთ, საკონსტიტუციო სასამართლოს შესახებ კანონში ცვლილებაზე ვენეციის კომისიამ წინასწარი დასკვნა გუშინ გამოაქვეყნა. პარლამენტის მიერ მესამე მოსმენით მიღებული კანონი ვენეციის კომისიას პრეზიდენტმა გიორგი მარგველაშვილმა გადაუგზავნა. სავარაუდოა, რომ პრეზიდენტი იმის შესახებ გადაწყვეტილებას მოაწეროს ხელი კანონს თუ ვეტოს უფლება გამოიყენოს, სწორედ ვენეციის კომისიის დასკვნის შემდეგ მიიღებს.