საქართველოს თავდაცვის მინისტრი, თინა ხიდაშელი რუსი ოკუპანტის მიერ ქართველი მამაკაცის მკვლელობის ფაქტს კიდევ ერთხელ ეხმაურება. მინისტრის განცხადებით, ამ ფაქტის გამო შესაძლებელი გახდა „პირდაპირ ვესაუბროთ მეორე მხარე“:

„მნიშვნელოვანია, რომ ეს ახლა მოხდა იმ თვალსაზრისით, რომ ამ ტრაგიკული მოვლენის ფონზე შესაძლებლობა გაგვიჩნდა პირდაპირ ვესაუბროთ მეორე მხარეს. ამ ტრაგედიას ჰყავს კონკრეტული დამნაშავე, კონკრეტული ადამიანი, რომლის გვარიც და სახელიც ცნობილია. რომელიც აუცილებლად უნდა დაისაჯოს კანონის წინაშე. ამ ტრაგედიის გამომწვევი არ არის მხოლოდ ის, რომ ერთმა თავხედმა გადაწყვიტა ასეთი მკვლელობის ჩადენა, ყველაფერში დამნაშავეა ოკუპაცია, რომელიც სახეზე არის ჩვენს ქვეყანაში“, - განაცხადა თინა ხიდაშელმა.