საქართველოს ენერგეტიკის მინისტრი, ვიცე-პრემიერი კახა კალაძე კორცხელში მომხდარ დაპირისპირებაზე „ნაციონალური მოძრაობის“ მთოთხოვნას მისი დაკითხვის შესახებ პირველად ეხმაურება და აცხადებს, რომ საპარლამენტო ოპოზიცია მის წინააღმდეგ ანტიპიარის წარმოებას ცდილობს:

„ნაციონალური მოძრაობა ყველანაირად ცდილობს, რომ ანტიპიარი აწარმოოს ჩემს მიმართ, გამოიყენოს კონკრეტული ფაქტი, რაც მოხდა სამწუხაროდ კორცხელში, რაც ჩვენს მიერ იქნა დაგმობილი, ძალიან კარგად ესმის, თუ რამხელა რესურსი გააჩნია კახა კალაძეს იმ რეჟიმის წინააღმდეგ ბრძოლისთვის, რომელსაც „ნაციონალური მოძრაობა“ წარმოადგენდა, ჩვენ ქართველ ხალხთან ერთად, ოქტომბერში გავცემთ ნაციონალურ მოძრაობას საკადრის პასუხს“, - განაცხადა კახა კალაძემ.