სოფელ ხურჩაში რუსი ოკუპანტის მიერ მოკლული გიგა ოთხოზორია ზუგდიდში დაკრძალეს.

დაკრძალვამდე ვლაქერნის ღვთისმშობლის ხატის სახელობის ტაძარში სამოქალაქო პანაშვიდი გაიმართა. ადგილზე დაღუპულის მეგობრები, ახლობლები, რიგითი მოქალაქეები და პოლიტიკოსები მივიდნენ, მათ გარდაცვლილის ოჯახს სამძიმარი გამოუცხადეს.

ხურჩაში მომხდარი მკვლელობა ზუგდიდში დღეს კიდევ ერთხელ გააპროტესტეს. ცენტრალური ბულვარიდან დადიანების სასახლემდე მშვიდობიან მსვლელობა მოეწყო. ადგილობრივი ხელისუფლების წარმომადგენლებმა და სტუდენტებმა აფხაზ ხალხს მიმართეს და მათ მშვიდობიანი თანაცხოვრებისკენ მოუწოდეს.