,,ოკუპანტთან კუდის ქიცინი მიზეზია იმისა, რომ ვერ კონტროლდება ოკუპაციის ზოლი“

,,ოკუპანტთან კუდის ქიცინი მიზეზია იმისა, რომ ვერ კონტროლდება ოკუპაციის ზოლი“ - ქარდავა ოთხოზორიას მკვლელობაზე

პოლიტიკა - 16:23, 26 May, 2016

1531

რუსი ოკუპანტის მიერ მოკლული გიგა ოთხოზორიას დაკრძალვაზე ზუგდიდში იმყოფებოდნენ ოპოზიციის წარმომადგენლები. ედპ-ს ლიდერის თქმით, ხელისუფლების უპრინციპობა და უკონტროლოდ დატოვებული ტერიტორიები არის მიზეზი იმისა, რომ საქართველოს კონტროლირებად ტერიტორიაზე ოკუპანტები ღიად საჯაროდ კლავენ საქართველოს მოქალაქეებს.

,,ძალიან სამწუხაროა, რომ 26 მაისს, დამოუკიდებლობის დღეს კიდევ ერთი ქართველი მივაბარეთ მიწას. ეს ნიშნავს იმას, რომ ჭრილობა ჯერ კიდევ ღიაა და იქნება მანან, სანამ ოკუპანტი ჩვენს მიწაზე დგას. მიზეზი იმისა, რომ ოკუპანტები ბედავენ და ჩვენს მიერ კონტროლირებად ტერიტორიაზე ღიად და საჯაროდ კლავენ საქართველოს მოქალაქეებს ხელისუფლების უპრინციპობაა. ვისაც არ უნდა გული ეტკინოს ამით, მოსაზღვრე რეგიონებში ჩვენი ხელისუფლების კუდის ქიცინის გამო არის ის ვითარება, რომ ვერ კონტროლდება ის ტერიტორიები, რომელიც მარტივად შეიძლება რომ გაკონტროლდეს“ - განახადა ბაჩუკი ქარდავამ.

ხურჩაში რუსეთის საოკუპაციო ძალების წარმომადგენლის მიერ მოკლული გიგა ოთხოზორია დღეს ზუგდიდში დაკრძალეს.