„ყველამ წაიკითხეთ!!! იყავით ფრთხილად და კარგად შეამოწმეთ ხოლმე ვის ეხმარებით"- აკა სინჯიკაშვილი

სოც.მედია - 19:25, 25 May, 2016

25344

სცენარისტი აკა სინჯიკაშვილი, რომელიც ფართო საზოგადოებამ არა მხოლოდ მისი მხიარული ფეისბუკპოსტებით არამედ იმითაც გაიცნო, რომ მშიერი ხალხი დასახმარებლად ღამით ,,ტაქსაობს'', დილით მოგროვილი ფულით გაჭირვებული ადამიანებისთვის ტანსაცმელს და საკვებს ყიდულობს ფეისბუკზე საყურადღებო სტატუსს აქვეყნებს. სინჯიკაშვილის თქმით არსებობენ ჯგუფები, რომლებიც ვითომ საქველმოქმედო მიზნებით ტანსაცმელს, საკვებს და ფულს აგროვებენ და ამით პირად სარგებელს ნახულობენ:

„ყველამ წაიკითხეთ!!! ეხლა მოგიყვებით ეს ორი დღე რას ვარკვევდი: არსებობენ ადამიანები, რომლებიც ჯგუფად მუშაობენ და ფულსაც ბევრს შოულობენ. მაგალითად, ჯერ გაკვირდებიან აქტიურობ თუ არა საქველმოქმედო ფეიჯებზე. მერე ერთი გწერს, რომ მეზობელი ან ახლობელი ქალია და დახმარება სჭირდება. დათანხმდები დახმარებაზე და მართლა გეუბნება რაღაცა მისამართს. მიდიხარ, მიგაქვს საჭმელი და ტანსაცმელი. მშრალი პროდუქტები იმდენი უგროვდებათ, ვაგზალზე აბარებენ. ტანსაცმელი კი თურმე უკვე ძალიან ბევრი იყიდება მეორად მაღაზიებში. ბევრჯერ გამოაგზავნინეს ფული სხვა ქვეყნებიდანაც, რომელიც მერე თურმე ერთად იყოფა ხოლმე.

მეორე ამბავია ფოტოებიანი ყუთებით რომ დადიან ვითომ ვიღაცის გადასარჩენად,80% შემთხვევაში არცერთი კაპიკი არ მიდის ფოტოზე გამოსახულ ადამიანთან, გუგლის პასუხით, ერთი საერთოდ მექსიკელი აღმოჩნდა, რომელმაც არ იცის რომ საქართველოში ფულს უგროვებენ . ეხლა გასაგებია ვინც მლანძღავს ხოლმე და რატომ მწარდებიან.

ძალიან ბევრ ადამიანს უჭირს და სხვები ფულს შოულობენ ამით. ამას კანონი ვერ ერევა და თაღლითობაც არ გამოდის, უბრალოდ იყავით ფრთხილად და კარგად შეამოწმეთ ხოლმე ვის ეხმარებით“- წერს აკა სინჯიკაშვილი.