„ერთიანმა ნაციონალურმა მოძრაობამ“ პარლამენტს ბოიკოტი გამოუცხადა. საპარლამენტო უმრავლესობა კორცხელის ინციდენტში დამნაშავეთა დაუყოვნებლივ დასჯას მოითხოვს, გამოძიების დასრულებამდე კი ისინი საპარლამენტო საქმიანობას წყვეტენ.

ამის შესახებ დღეს ერთობლივი განცხადება გაკეთდა პარლამენტის შენობაში. თემის კომენტირებისას, სერგო რატიანმა განაცხადა, რომ ხელისუფლება ცდილობს „ხალხს არჩევანი წაართვას“:

„ჩვენ ვხედავთ, რომ ხელისუფლება ვერ აცნობიერებს იმ პასუხისმგებლობას, რომელიც მას ეკისრება კორცხელის ინციდენტზე, ჩვენ ვხედავთ, რომ ისინი ვერ აცნობიერებენ, რომ მთელი საქართველო ხედავს, დამნაშავე არის ხელისუფლებაში. ჩვენ ვხედავთ, რომ ხელისუფლება ვერ აცნობიერებს, რომ რეალობა შეცვლილია და ხალხი ეუბნება ხელისუფლებას არჩევნებზე არას, ამ არჩევანის წართმევა უნდათ მათ, ვერ აცნობიერებენ იმას, რომ მათ ოთხი წლის განმავლობაში ვერაფერი გააკეთეს ხალხისთვის და ახლა უნდათ იძალადონ ხალხის არჩევანზე, ეს არის მათი პასუხი ხალხის ნებაზე, ამიტომ ჩვენ სანამ არ იქნება დადგენილი დამნაშავე, სანამ არ იქნება დადგენილი დამკვეთი, ისევე როგორც არ იქნება დადგენილი ადამიანები, რომლებმაც იძალადეს იმ დღეს, ჩვენ ვაცხადებთ ბოიკოტს და არ შევდივართ დარბაზში“, - განაცხადა სერგო რატიანი.