ხურჩაში რუსი ოკუპანტის მიერ ქართველი მამაკაცის მკვლელობის ფაქტზე გოგი თოფაძის მიერ გაკეთებულ განცხადებას, „რესპუბლიკური პარტიის“ ერთ-ერთი ლიდერი, დავით ბერძენიშვილი გამოეხმაურა და განაცხადა, რომ „გოგი თოფაძე მენტალურად და პოლიტიკურად არის რუსი“:

„გოგი თოფაძე მენტალურად, პოლიტიკურად არის რუსი, გოგი თოფაძემ ამ განცხადებით, თინა ხიდაშელთან ბრძოლით, ქართულ ჯართან ბრძოლით, მრავალჯერ გვაჩვენა და დღეს ბეჭედი დაუსვა, რომ პოლიტიკურად ის ქართველი არ არის“, - განაცხადა დავით ბერძენიშვილმა.

შეგახსენებთ, რომ გოგი თოფაძემ განცხადება გააკეთა გიგა ოთხოზორიას მკვლელობაზე და აღნიშნა, რომ „ერთი ადამიანის მკვლელობის ამ დონეზე აყვანა საჭირო არ არის“.