"ერთი კაცი მოკვდა, ძალიან საწყენია, მაგრამ ამ დონეზე აყვანა არ მგონია დღეს საჭირო იყოს"- გოგი თოფაძე გიგა ოთხოზორიაზე

პოლიტიკა - 11:31, 25 May, 2016

10798

საქართველოს პარლამენტის დეპუტატმა გოგი თოფაძემ PALITRANEWS-ის გადაცემაში ”360 გრადუსი” სტუმრობისას ხურჩაში მომხდარ მკვლელობაზე ისაუბრა და აღნიშნა, რომ ამ საკითხის პოლიტიზირება არ შეიძლება.

”ეს მოხდება ხოლმე, მანდ რაღაც მგონი კომერციული ინტერესები იყო, ასე უბრალოდ არ ყოფილა... არ უნდა ჩავთვალოთ, რომ ეს ერთეული შემთხვევები სისტემატურია. რამდენი ხანია, იქ არაფერი მომხდარა? მე მიმაჩნია, ასეთი ლანძღვა-გინება რუსეთის, რასაც ძალიან ბევრი პოლიტიკოსი და პარტია აკეთებს, გამიზნულად აღიზიანებენ, არ არის სწორი. ჩვენ უნდა ვეძებოთ რაღაც კომპრომისი. თუ ჩვენ რამე შერბილება, ან თუნდაც ტერიტორიების დაბრუნებაზე შეიძლება ვიოცნებოთ, არა ომით, არა გაღიზიანებით, მაგრამ ესეც დასავლეთიდან ნაკარნახევია, რომ რაც შეიძლება დაიძაბოს ჩვენი ურთიერთობა... ეს ერთი შემთხვევა არ უნდა იყოს პოლიტიზირებული. ყველგან ხდება ასეთი რამე. ასეთი რაღაცეები მოხდება, დაძაბული სიტუაციაა, ჩვენ გვაქვს პრეტენზიები, რომ აფხაზეთი ჩვენია, იქიდან სხვა რაღაცა მოდის. ურთერთობის გამწვავებასაც ხელს უწყობენ მთელი რიგი მრჩევლები და უცხოელები. არ უნდა მოხდეს ასე. ჩემი აზრია და ჩემი თანაგუნდელების, რომ ვეძებოთ რუსეთთან არა რუსოფილობა, არამედ რაღაც მოგვარება. ჩვენი წინაპრები გავიხსენოთ, რაღაცას ეფერებოდნენ, ყოველ შემთხვევაში დალაგებული იყო. მეორე თემაა-მართლმადიდებელი ქვეყანაა რუსეთი. ჩვენ ნახეთ რა წრეში ვართ? ალბათ ესეც უნდა გავითვალისწინოთ. ისიც უნდა გავითვალისწინოთ, რომ არ უნდა გვიკარნახონ ევროპელებმა. ამის პოლიტიზირება არ შეიძლება. მოხდა ფაქტი ძალიან სამწუხაროა, იმ ოჯახს ალბათ პატივი უნდა ვცეთ, რაღაც გავაკეთოთ, ერთი კაცი მოკვდა, კი, ქართველია, ძალიან საწყენია, მაგრამ ამ დონეზე ატანა, აყვანა არ მგონია დღეს საჭირო იყოს.” - განაცხადა გოგი თოფაძემ.