"არ მითქვამს რომ სპორტსმენები ადგილზე იყვნენ, ისინი აპირებდნენ პროვოკაციას"

"არ მითქვამს რომ სპორტსმენები ადგილზე იყვნენ, ისინი აპირებდნენ პროვოკაციას" - "ოცნებამ" ბრალდება უკან წაიღო

პოლიტიკა - 00:02, 25 May, 2016

3611

"ქართული ოცნების" პოლიტსაბჭოს წევრმა მამუკა მდინარაძემ დღეს არჩევანში უარყო ინფორმაცია, რომ სპეციალურ ბრიფინგზე გაჟღერებული სპორტსმენებმა მიაყენეს შეურაცხყოფა კორცხელში მოსახლეობას.

დღეს მდინარაძემ თქვა, რომ მის მიერ დასახელებული ჯგუფი გეგმავდა პროვოკაციის მოწყობას.

"სანამ უშუალოდ ამ ფაქტზე დავიწყებ საუბარს, მინდა ვთქვა, რომ 8 ოქტომბერს მივიღებთ უპრეცედენტოდ დემოკრატიულ არჩევნებს, კორცხელში განვითარებული მოვლენები იყო ცუდი გაკვეთილი. ეს შემთხვევა, ეს ვანდალური აქტი ურტყამს ჩვენს პარტიას, ქვეყნის სვლას ევროპისკენ. ჩვენ პარტიას გაცნობიერებული აქვს, რომ ასეთი ცუდი გზით არ იაროს"- თქვა მდინარაძემ.

მან ქართული ოცნების მხარდამჭერებს მოუწოდა არ აყვნენ პროვოკაციას და არ მისცენ "ზოგოერთებს საკუთარ მოედანზე თამაშის საშუალება".

რაც შეეხება უშუალოდ, სპორტსმენბს, ვისაც ქართულმა ოცნებამ "ზონდერებად" მოიხსენია, მდინარაძემ თქვა, რომ არჩევნების დღეს დილიდან შემოდიოდა ინფორმაცია, რომ სპორტსმენები გეგმავდნენ პროვოკაციას.

"მე არ მითქვამს რომ იყვნენ ეს სპორტსმენები ადგილზე, ისინი აპირებდნენ პროვოკაციების მოწყობას. 7 დან 4 აღმოჩნდა ადგილზე"- თქვა "ქართული ოცნების" წევრმა.

ილია მარტყოფლიშვილის, თეიმურაზ ლუტიძისა და ანრი ბიჩენოვის განცხადებით, მთელი დღის განმავლობაში თბილისში იმყოფებოდნენ და სამეგრელოში მომხდარი ამბების შესახებ მხოლოდ ტელევიზიიდან შეიტყვეს.მათივე თქმით, ბევრი მოწმე არსებობს, რომელიც მათ ნათქვამს დაადასტურებს.