,,შეგვიძლია ყველას გადავცეთ ვიდეომასალები“ - სეუ ე.წ. ზონდერების ვარჯიშზე სპეციალურ განცხადებას ავრცელებს

პოლიტიკა - 20:58, 24 May, 2016

13940

"საქართველოს ეროვნული უნივერსიტეტი" უარყოფს გავრცელებულ ინფორმაციას, რომ კორცხელის ინციდენტის ერთ-ერთი მონაწილე კობა ტყეშელაშვილი, მათ სპორტდარბაზში ე.წ. ზონდერებს ავაჯიშებს.

"უნივერსიტეტი ემიჯნება ყოველგვარ ძალადობას, ფიზიკურ დაპირისპირებას არის აპოლიტიკური ორგანიზაცია. უნივერსიტეტი არის თავისუფალი აზრის გამოხატვისა და განვითარების სივრცე, სადაც ყველა ლექტორსა და სტუდენტს თუ სხვა თანამშრომელს აქვს თავისუფალი პოლიტიკური თუ სხვა შეხედულებები. თანამედროვე უნივერსიტეტებში ხორციელდება არა მხოლოდ სწავლება და კვლევა, არამედ აქტიური სტუდენტური ცხოვრებაც მიმდინარეობს, რასაც სჭირდება შესაბამისი ინფრასტრუქტურა. ხმის ჩამწერი სტუდია, ქორეოგრაფიული ანსამბლი სეუ, ფოტოსტუდია-სეუ პროდაქშენი, სეუ ბენდი , სეუ არტ პროჯექტი,თეატრალური დასი სეუ, მან სან კანის გუნდი, ასევე ფუნქციონირებს სპორტული გუნდები - საფეხბურთო გუნდი,რაგბის, კალათბურთის, ფრენბურთის. სეუ -ში ასევე ფუნქციონირებს სეუ კლინიკა, მიკროსაფინანსო ორგანიზაცია - ბიზნეს სტარტაპ კრედიტი, ტურისტული კომპანია დისქავერ ჯორჯია, საცურაო აუზი და სპორტული დარბაზი - სეუ ფიტნესი. საქართველოს ეროვნული უნივერსიტეტი სეუ, ბოლო წლებში ლიდერობს მობილობით მიმღები უნივერსიტეტების სიაში, ნათელია, თუ რა მიზანს ემსახურება საუნივერსიტეტო დაწესებულების დისკრედიტირება. ქალბატონი ელისო კილაძის უსაფუძვლო კომენტარები აშკარად მიზნად ისახავს უნივერსიტეტის დისკრედიტაციას, რადგან საქართველოს ეროვნული უნივერსიტეტი სეუ ბოლო წლების განმავლობაში ყველაზე სწრაფად განვითარებადი უმაღლესი დაწერსებულებაა, სადაც მკვეთრად იზრდება, როგორც სტუდენტთა რაოდენობა, ასევე სასწავლო პროგრამების არჩევანი - სწორედ მიმდინარე პერიოდში მიიღო აკრედიტაცია ბიზნესის ადმინისტრირების საბაკალავრო პროგრამამ , ამასთანავე განხილვის პროცესშია - საერთაშორისო ურთიერთობებისა და სამართლის საბაკალავრო პროგრამები, განათლების ადმინისტრირების , ადამიანური რესურსების მართვისა და ფსიქოლოგიის სამაგისტრო პროგრამები. საქართველოს ეროვნული უნივერსიტეტი სეუ-ს სტუდენტების ინტერესების დაცვის მიზნით, უნივერსიტეტის ადმინისტრაცია გეგმავს ელისო კილაძის განცხადებაზე სარჩელის შეტანას. პ.ს. საქართველოს ეროვნული უნივერსიტეტი სეუ-ს მთელი ტერიტორია, მათ შორის სპორტული (ფიტნეს) დარბაზი აღჭურვილია უსაფრთხოების კამერებით. შესაბამისად ყველა დაინტერესებულ პირს შეგვიძლია გადავცეთ ბოლო თვეების ვიდეომასალები სადაც ნათლად ჩანს რომ სეუ-ში მსგავს ფაქტებს ადგილი არ ჰქონიათ." ნათქვამია "საქართველოს ეროვნული უნივერსიტეტის" სპეციალურ განცხადებაში.