სახალხო დამცველი სამი დღის წინ კორცხელში მომხდარ ინციდენტზე კომენტარს აკეთებს. უჩა ნანუაშვილის განცხადებით არსებობს არაერთი მტკიცებულება და არსებული კანონის შესაბამისად უნდა მოხდეს დამნაშავეთა დასჯა, წინააღმდეგ შემთხვევაში „ეს ნიშნავს, რომ ვიღაც ხელს აფარებს ამ ადამიანებს“:

„ზოგადად რა თქმა უნდა მისასალმებელია თუ მოხდება გამკაცრება, მაგრამ მოქმედი ნორმები მე ვფიქრობ უნდა იყოს გამოყენებული, როდესაც უნდა მოხდეს რეაგირება დაუყოვნებლივ ყველა ასეთ ძალადობრივ ინციდენტზე. არსებობს არაერთი მტკიცებულების ვიდეო და ფოტომასალა, აქედან გამომდინარე არაეფექტურია თუ არ მოხდება დაუყოვნებლივ რეაგირება ასეთ ფაქტებზე, თუ არ მოხდება დამნაშავეთა დასჯა, ეს ნიშნავს, რომ ვიღაც ხელს აფარებს ამ ადამიანებს“, - განაცხადა უჩა ნანაუშვილმა.