საქართველოს თავდაცვისა და უსაფრთხოების რიგით მეათე კონფერენცია გაიხსნა. ღონისძიება გაერთიანებული სამეფოს ჯარის, უელსის დედოფლის პოლკის პარაშუტებით მხტომელთა ჩვენებით გაიხსნა.

კონფერენციას საქართველოს თავდაცვის მინისტრი, პრემიერ-მინისტრი და უცხოელი სტუმრები ესწრებიან, მათ შორის ამერიკის შეერთებული შტატების ატლანტიკური საბჭოს აღმასრულებელი ვიცე-პრეზიდენტი, დეიმონ უილსონი.

„ატლანტიკური საბჭო დარწმუნებულია, რომ დემოკრატიულ საქართველოს შეუძლია მიაღწიოს მიზანს, შეუერთდეს ტრანსატლანტიკურ ალიანსს, ჩვენი სტრატეგია ეფუძნება მშვიდობიან, უსაფრთხო გარემოს, მაგრამ დღეს რუსეთი პრობლემას უქმნის ცივი ომის შემდგომი პერიოდის უსაფრთხოების სისტემას. იყენებს ძალას საზღვრების შესაცვლელად, ოკუპაციას პოლიტიკური მიზნების მისაღწევად. სწორედ ამიტომაა მნიშვნელოვანი რაც საქართველოსა და უკრაინაში ხდება გლობალური თვალსაზრისით. ჩვენი ამოცანა არა მხოლოდ რეაგირებაა, არამედ საკუთარი ხედვის ჩამოყალიბება თუ როგორ უნდა გავაგრძელოთ სვლა“, - განაცხადა დეიმონ უილსონმა.