„ერთიანი ნაციონალური მოძრაობის“ წევრი ირმა ნადირაშვილი, კორცხელის ინციდენტში მონაწილეების ვინაობებს ასაჯაროვებს. დეპუტატის განცხადებით, ჩხუბში ჭაბუკ მოჭიდავეთა ეროვნული ნაკრების მწვრთნელი, გია იანთბელიძე მონაწილეობდა. ირმა ნადირაშვილი სპორტის სამინისტროსა და ჭიდაობის ფედერაციისგან შესაბამის რეაგირებას მოითხოვს.

„ჩვენ გვინდა მივმართოთ ჭიდაობის ფედერაციას, რომ მიიღოს სასწრაფოდ ზომები, გამოთქვას პოზიცია, ჩვენ მოვითხოვთ, რომ იანთბელიძეს მოჭიდავეთა ფედერაციამ სასწრაფოდ შეუწყვიტოს უფლებამოსილება, ჩვენ იგივე თხოვნით მივმართავთ სპორტისა და ახალგაზრდობის მინისტრს, რომ მან მიიღოს გადამწყვეტი ზომები“, - განაცხადა ირმა ნადირაშვილმა.