რუსეთის ქმედებები საქართველოში, უკრაინასა და მოლდოვაში რეალობის ნაწილია და ამას NATO-მ უნდა უპასუხოს- ვერშბოუ

პოლიტიკა - 12:20, 24 May, 2016

1031

დიდი ბრიტანეთის პარლამენტში სიტყვის გამოსვლისას ნატო-ს გენერალური მდივნის მოადგილე ალექსანდრ ვერშბოუმ რუსეთის რევანშისტულ პოლიტიკაზე ისაუბრა და აღნიშნა, რომ რუსეთის ქმედებები საქართველოში, უკრაინასა და მოლდოვაში საფრთხეს უქმნის ევროპის ღირებულებებს და NATO- მ ამ რეალობას უნდა უპასუხოს.

"მეორე მსოფლიო ომის შემდეგ ყირიმი იყო პირველი შემთხვევა, როდესაც ერთმა ევროპულმა ქვეყანამ მეორე ტერიტორია ძალის გამოყენებით წაართვა. თუმცა ეს არ იყო პირველი შემთხვევა, როდესაც რუსეთმა საკუთარი ინტერესების განსახორციელებლად შეიარაღებული ძალები გამოიყენა. მისი შეიარაღებლი ძალები პოსტსაბჭოთა პერიოდში წარმოქმნილი სეპარატისტული მოძრაობების გამოყენებით, დიდ ხანია აკონტროლებდნენ საქართველოსა და მოლდოვის ტერიტორიებს, მან ასევე ომი აწარმოა საქართველოს წინააღმდეგ 2008 წელს. ეს არის ახალი სტრატეგიული რეალობის ნაწილი, რომელსაც ნატო-მ უნდა უპასუხოს. ჩვენ ვაცნობიერებთ, რომ უსაფრთხო და სტაბილური სამეზობლო ჩვენს უსაფრთხოებას აძლიერებს და ეკონომიკური ზრდისა და განვითარების დიდ შესაძლებლობებს ქმნის. თუმცა რუსეთის საპირიპიროს ფიქრობს და რაც შეიძლება მეტი არასტაბილურობისა და ქაოსის შექმნა დაიწყო მის პერიფერიებში - იქნება ეს უკრაინა, საქართველო თუ მოლდოვა, ან სირია, სადაც ის ასადის რეჟიმის მხარეს იბრძვის”, - განაცხადა ვერშბოუმ.