ზუგდიდში საოლქო საარჩევნო კომისიის სხდომა დასრულდა, რომლის ფარგლებშიც დაკმაყოფილდა „ქართული ოცნების“ მოთხოვნა, კორცხელის არჩევნების შედეგების თავიდან დათვლის შესახებ. ხმების დათვლა რამდენიმე წუთში დაიწყება.

აღსანიშნავია, რომ კორცხელში გუშინ ჩატარებული არჩევნების შედეგად „ნაციონალური მოძრაობის“ კანდიდატმა გაიმარჯვა. აღნიშნული გააპროტესტა „ქართულმა ოცნებამ“, სადაც აღნიშნავენ, რომ ხმის დათვლა მძიმე ვითარებაში წარიმართა, რადგან საარჩევნო უბნის მიმდებარედ ფიზიკურ დაპირისპირებას და ინციდენტს ჰქონდა ადგილი.

კომისიის მიღებულ გადაწყვეტილებას „ნაციონალური მოძრაობა“ უსამართლოს უწოდებს.