ვიქტორ დოლიძემ აღმოსავლეთ პარტნიორობის საგარეო საქმეთა მინისტრებს საქართველოში არსებული ვითარება გააცნო

პოლიტიკა - 19:14, 23 May, 2016

999

2016 წლის 23 მაისს, ბრიუსელში აღმოსავლეთ პარტნიორობის საგარეო საქმეთა მინისტრების მე-7 სხდომა გაიმართა, რომელსაც ევრონესტის საპარლამენტო ასამბლეის თანაპრეზიდენტის რანგში ვიქტორ დოლიძე დაესწრო. ვიქტორ დოლიძემ პირველ რიგში მადლობა გადაუხადა ქალბატონ მოგერინის და ბატონ ჰანს წარმოდგენილი დოკუმენტისთვის, რომელიც რიგის სამიტის შემდგომ პერიოდსა და რეკომენდაციებს ასახავს. მან დამსწრეთ ინფორმაცია მიაწოდა ევრონესტის გავლილი საქმიანობისა და დაგეგმილი ღონისძიებების თაობაზე. ვიქტორ დოლიძემ აღნიშნა რომ აუცილებელია ინდივიდუალური მიდგომების შემუშავება ქვეყნების მიერ სექტორალური რეფორმების გატარებისა და წინგადადგმული ნაბიჯების თვალსაზრისით. ასევე აღნიშნა სასამართლო და მართმსაჯულების სისტემის დამოუკიდებლობის ხარისხის მნიშვნელობა და გასატარებელი რეფორმების აუცილებლობა.

ვიქტორ დოლიძემ მადლობა გადაუხადა მინისტრებს უვიზო მიმოსვლის შესახებ მხარდაჭერაზე და იმედი გამოთქვა, რომ ეს პროცესი წარმატებით დასრულდება უახლოეს მომავლში. განსაკუთრებული ყურადღება გაამახვილა ხურჩაში მომხდარ ტრაგედიაზე, რამაც კიდევ ერთხელ დაგვანახა ოკუპანტი ხელისუფლების რეალური სახე და ადგილზე მონიტორინგის გაძლიერების აუცილებლობა, მომავალში ამგვარი ფაქტების თავიდან აცილების მიზნით.