სამეგრელოში, სოფელ კორცხელში არჩევნების შედეგებს აპროტესტებს „ქართული ოცნება“ და ზუგდიდის საარჩევნო ოლქის 53-ე და 54-ე უბნების ბიულეტენების ხელახალ გადათვლას ითხოვს. ამირან ლაგვილავას წარმომადგენლებმა საოლქო საარჩევნო ადმინისტრაციაში განცხადება უკვე შეიტანეს. მმართველი გუნდის განცხადებით, დაძაბულმა ვიტარებამ, არცევნების სრულფასოვნად ჩატარებას ხელი შუშალა:

„დღის განმავლობაში კენჭისყრა უბნის შიგნით დაძაბულ, სტრესულ გარემოებაში მიმდინარეობდა, რაც გამოწვეული იყო უბნის გარეთ დაპირისპირებული ჯგუფების დიდი რაოდენობით მობილიზებით, რაც შემდგომში ხელჩართულ ჩხუბშიც კი გადაიზარდა. იმის გამო, რომ საუბნო საარჩევნო კომისიის წევრები იმყოფებოდნენ უბნის შიგნით მყოფი წარმომადგენლებისა და დამკვირვებლების გავლენის ქვეშ ხმის დათვლის პროცესი წარიმართა ხარვეზებით,“ - ნათქვამია განცხადებაში.

საოლქო საარჩევნო კომისიაში სხდომა დღეს 20:00 საათზეა ჩანიშნული, სადაც შესაბამის გადაწყვეტილებას მიიღებენ.