"ერთხელ და სამუდამოდ სპორტსმენები და სპორტი უნდა გაემიჯნონ პოლიტიკურ პროცესებს"- ხეჩიკაშვილი

პოლიტიკა - 13:42, 23 May, 2016

1312

სპორტის მინისტრის ტარიელ ხეჩიკაშვილის განცხადებით მსგავსი ფაქტები, რაც კორცხელში მოხდა ქვეყნის დემოკრატიულ იმიჯს და სპორტულ ოჯახს ზიანს აყენებს. მინისტრის თქმით იმისდა მიუხედავად რომ აღნიშნულ ინციდენტში მონაწილეობა მოქმედ სპორტსმენებს არ მიუღიათ, სპორტსმენები და სპორტი პოლიტიკურ პროცესებს უნდა გაემიჯნონ:

„მოქმედი სპორტსმენები არ მონაწილეობდნენ მსგავს ინციდენტში, თუმცა მიუხედავად ამისა მინდა ხაზი გავუსვა იმას, რომ მსგავსი ინციდენტები ქვეყნის დემოკრატიულ იმიჯსაც ლახავს და სპორტული ოჯახისაც . მინდა ვუთხრა არა მარტო სპორტსმენებს , არამედ თითოეულ ჩვენ მოქალაქეს რომ თავი შეიკავონ მსგავსი ინციდენტებისგან. ჩვენ ერთად გავიარეთ დაპირისპირებისა და ძალადობის ეპოქა, საბედნიეროდ მივდივართ იქითკენ, რომ ავაშენოთ დემოკრატიული ქვეყანა და თითოეული ჩვენთაგანის ვალია არ მიიღოს მსგავს ინციდენტში მონაწილეობა და მშვიდ და წყმარ გარემოში მივცეთ ჩვენს მოქალაქეებს თავისუფალი არჩევანის გაკეთების საშუალება.

ძალიან ცუდია, რომ სპორტის თემის პოლიტიკასთან დაკავშირება უნდათ , მინდა ყველას გასაგონად ვთქვა, ერთხელ და სამუდამოდ სპორტსმენები და სპორტი უნდა გაემიჯნონ პოლიტიკურ პროცესებს“- განაცხადა მინისტრმა.