საქართველოს პრემიერ-მინისტრი, გიორგი კვირიკაშვილი დავით კოღუაშვილის განცხადებებზე კომენტარს აკეთებს და აცხადებს, რომ მისი გარიცხვა „ქართული ოცნების“ რიგებიდანა რ იგეგმება:

”მე ამ საკითხზე გავაკეთე კომენტარი. იყო ბევრი დაუფიქრებელი განცხადება. მქონდა დავითთანაც საუბარი. მას აქვს საკმაო გამოცდილება და აქვს ის განწყობა, რომ გააგრძელოს ჩვენთან ერთად მოღვაწეობა. მისგანაც გაკეთდება განცხადებები. ეს იყო აჩქარებული განცხადებები და გარიცხვაზე საუბარი არ არის”, - აღნიშნა კვირიკაშვილმა.

შეგახსენებთ, რომ „ქართული ოცნების“ ახალმა სახემ, პარტიის პოლიტიკური საბჭოს წევრმა, დავით კოღუაშვილმა „ქართულ გაზეთთან“ საუბრისას სააკაშვილის ხელისუფლების მმართველობა გაიხსენა და იმ რეფორმებზე ისაუბრა, რომლებსაც ემხრობა.