თუ ვინმეს კუნთი მაგარი ჰქონდა კორცხელში წაასხეს და ძალის კრიმინალური გამოყენებით სახელმწიფო დარტყმის ქვეშ დააყენეს

თუ ვინმეს კუნთი მაგარი ჰქონდა კორცხელში წაასხეს და ძალის კრიმინალური გამოყენებით სახელმწიფო დარტყმის ქვეშ დააყენეს - ქარდავა

სოც.მედია - 13:12, 23 May, 2016

1283

კორცხელის ინციდენტს ეხმაურება ეროვნულ-დემოკრატიული პარტიის ლიდერი ბაჩუკი ქარდავა.

,,სამწუხაროდ, საქართველოს ვერც ერთმა ხელისუფლებამ ვერ გაითავისა ის სიბრძნე, რომ ძალადობა უფრო დიდ ძალადობას წარმოშობს. როგორც სჩანს, ოცნების ხელისუფლებას ისე მოეწონა სახელმწიფოს ექსკლუზიური უფლება, ძალის გამოყენებაზე ქვეყნისთვის გარდაუვალი აუცილებლობის შემთხვევებში, რომ საკუთარი პოლიტიკური მიზნები სახელმწიფო ინტერესებში აერია და კორცხელში ძალის კრიმინალური გამოყენებით დარტყმის ქვეშ სწორედ სახელმწიფოს ინტერესები დააყენა. ვერ გავიგე, რა სტრატეგიული მნიშვნელობა ჰქონდა თუნდაც ოცნებისთვის ამ არჩევნებს, (თუ ვინმეს საქართველოში კუნთი დაუბერავს, ყველა კორცხელში წაასხეს და ამის მიუხედავად არჩევნებში დამარცხდნენ) მაგრამ ცხადზე უცხადესია, რომ მუსკულებით თამაშისა და ხელკეტებით ქნევის თითოეული ფაქტი პირდაპირ უტყამს ვიზალიბერალიზაციასა და ჩვენი ქვეყნის ინტერესებს ვარშავის სამიტზე.

როგორ უნდა მოახერხო, რომ მიზნის მისაღწევად ისეთი ნეგატიური ნაბიჯები გადადგა, რომ მოკავშირეებიც დაიპირისპირო, მიზანს ვერ მიაღწიო და თანაც ისე, რომ იქვე ხურჩაში, რუსი ოკუპანტის მიერ მოკლული ქართველი ,,ფეხზე მკიდიას“ კონტექსტში შეგახსენონ !“ - წერს ბაჩუკი ქარდავა ,,ფეისბუქის“ გვერდზე.