კორცხელში მომხდარ დაპირისპირებას საქართველოს პრემიერ-მინისტრი გიორგი კვირიკაშვილი გამოეხმაურა. პრემიერის განცხადებით მომხდარი არის დასაგმობი ინციდენტი და საქართველოს სახელმწიფოს ღირსებაა, რომ მომავალი არჩევნები მშვიდობიან გარემოში ჩატარდეს.

კვირიკაშვილის განცხადებით, ამ ინციდენტის პროვოცირებისა და მასში მონაწილეობისთვის ხელისუფლებას სპორტსმენები არ დაუფინანსებია:

"ეს იქნება სახელმწიფოს ღირსების საკითხი რომ არჩევნები ჩატარდეს მშვიდობიან გარემოში. სრული აბსურდია, რომ სპორტსმენები დავაფინანსეთ. არანაირი დაფინანსება ჩვენი მხრიდან არ ყოფილა. რაოდენ გამომწვევიც არ უნდა იყოს ჩვენი ოპონენტების ქმედება, ხშირ შემთხვევაში ჩვენ სახელმწიფოს გვაკისრია პასუხისმგებლობა მშვიდობიანი, ძალადობის გარეშე არჩევნების ჩატარების. ჩვენ უნდა ვიყოთ მოწოდების სიმაღლეზე. არ უნდა ვუპასუხოთ არანაირ პროვოკაციას. ეს არის ჩვენი პასუხისმგებლობის საკითხი. ასეთი შემთხვევები აღარ უნდა განმეორდეს."- განაცხადა პრემიერ-მინისტრამ ჟურნალისტებთან საუბრისას.