"ოცნება" ხვდება, რომ რამდენიმე უბანზე არჩევებს აგებს და ამიტომაც გადმოვიდნენ ძალადობაზე "-ბეჟაშვილი

პოლიტიკა - 20:01, 22 May, 2016

2374

"ერთიანი ნაცონალური მოძრაობის" ერთ-ერთი ლიდერის, ლევან ბეჟაშვილის განცხადებით, ნასაკირალში ადგილი ჰქონდა მცირე ექსესებს, თუმცა გამომდინარე ზუგდიდის მოვლენებიდან არ გამორიცხავენ, რომ მსგავსი დაპირისპირების საფრთხე აქაც არსებობდეს. როგორც ბეჟაშვილი აცხადებს, "ქართული ოცნება" გრძნობს, რომ რამდენიმე საარჩევნო უბანში ფაქტიურად წაგებული აქვთ არჩევნები და ამიტომაც აქვს ადგილი მსგავს გამოხტმებi. ამიტომაც გადავიდნენ ძალადობაზე.

უმცირესობის წევრი ვიცე პრემიერის განცხადებასაც აფასებს:

რაც შეეხება კალაძის განცხადებას, ამაზე უნდა ითქვას, რომ იმდენად ჩამოიშალა ქართული ოცება, რომ უშიშროების სამსახური ფაქტიურად არ ჰყავს. იმავდროულად მთელმა საზოგადოებამ დაინახა, რიმ კადრში ფიგურირებენ ის ადამიანები, რომლებიც ყოფილი მინისტრის ჭიკაიძის, კალაძის, გომელაურის სანაცნობო და მათთან დაახლოებული პირები არიან. ამის დამადასტურებელი ფოტოები დაიდო უკვე. გაირკვა, რომ თავდამსხმელთა შორის არიან ამ სამი, მოქმედი თუ ყოფილი მინისტრის საახლობლო, დაცვის წევრები. ასე რომ, საზოგადოება ისედაც კარგად ხედავს ყველაფერს და ხელისუფლების მხრიდან გაკეთებული განცხადებები არის უსაფუძვლო და ლოგიკას მოკლებული"-აღნიშნა "გურიის მოამბესთან" ლევან ბეჟაშვილმა, რომელიც მთელი დღის განმავლობაში ნასაკირალში #16 საარჩევნო უბანზე აკვირდება პროცესებს.