,,გინდ იქედან, გინდ აქედან, ამას გამართლება არა აქვს“ - ზვიად კვაჭანტირაძე კორცხელის ინციდენტზე

პოლიტიკა - 18:47, 22 May, 2016

3368

"ჩემი აზრით, ასეთი დაპირისპირება, ყოველთვის ვიღაცის მხრიდან პროვოკაციის შედეგია" - ასე აფასებს უმრავლესობის ლიდერი ზვიად კვაჭანტირაძე კორცხელში მომხდარ ინციდენტს.

"მე არ მინახავს ფაქტები, რა მოხდა ზუგდიდში, თუმცა ინფორმირებული ვარ და როგორი მხრიდანაც არ უნდა მიუდგე, გინდ იქედან-გინდ აქედან, ამას გამართლება არა აქვს. ჩემი აზრით, ასეთი ფაქტები ვიღაცის მხრიდან ყოველთვის პროვოცირების შედეგია. მე გულწრფელად მჯერა იმის, რომ ძალიან ბევრ ადამიანს აქვს გაღიზიანება ბევრი ადამიანის მისამართით. მაგრამ ის, რომ ასეთი ადამიანები არჩევნების დღეს ხდებიან ძალადობის მსხვერპლნი, ეს ხელისუფლებას არც ერთ ვარიანტში არ აძლევს ხელს და ეს ყოველთვის იქნება კრიტიკის საგანი. აქედან გამომდინარე, აპრიორი არ არის ჩვენს ინტერესებში. ახალგაზრდობაშიც ვიღაცას მოხვედრია ხელი და მუშტი და მერე დავიწყებია, მაგრამ, როდესაც ასე ორგანიზებულად ხდება ცემა და ჩხუბი ამდენ ადამიანს შორის, ეს არის პროვოკაცია. ზუგდიდში "ნაციონალების" მხრიდან დგილი ჰქონდა საარჩევნო კანონმდებლობის მასიურ დარღვევას, აგიტაცია არის აკრძალული, მაგრამ ისინი ამას ეწეოდნენ ძალიან აქტიურად დღეს და სწორედ ამას მოჰყვა ეს დაპირისპირება. მე ამას კი არ ვამართლებ, არა აქვს ამას გამართლება, მაგრამ მოხდება ამის მოკვლევა, თუ რა მოხდა რეალურად"-ასე აფასებს ზუგდიდში, სოფელ კორცხელში მომხდარ დაპირისპირებას, "გურიის მოამბესთან" ზვიად კვაჭანტირაძე, სადაც "ნაციონალური მოძრაობის" რამდენიმე ლიდერია ნაცემი.