,,კორცხელში ზონდერბრიგადებს გიგა ბოკერია და ლევან ბეჟაშვილი ხელმძღვანელობს“

,,კორცხელში ზონდერბრიგადებს გიგა ბოკერია და ლევან ბეჟაშვილი ხელმძღვანელობს“ - კალაძე

პოლიტიკა - 18:34, 22 May, 2016

9379

კორცხელში მომხდარ ინციდენტში ენერგეტიკის მინისტრი და ქართული ოცნების გენერალური მდივანი კახი კალაძე ნაციონალურ მოძრაობას ადანაშაულებს და ამბობს, რომ ზონდერბრიგადების მობილიზებას გიგა ბოკერია და ლევან ბეჟაშვილი ახდენს.

,,მათი გეგმით განხორციელებული პროვოკაციული გეგმის მთავარი ადრესატი იყო დიპლომატიური კორპუსი, რომელსაც უნდა შექმნოდა არჩევნების არასათანადო გარემოში ჩატარების მცდარი განცდა. ჩვენს ხელთ არსებული ინფორმაციით, საარჩევნო პროცედურების დასრულებამდე იგეგმება პროვოკაციული ნაბიჯები, რაზეც მიანიშნებს საარჩევნო უბნის გარშემო საეჭვო ადამიანების კონცენტრაცია. გარდა ამისა, გვაქვს კონკრეტული ინფორმაცია, რომ ნაციონალურ მოძრაობას განზრახული აქვს სოფელ კორცხელში საარჩევნო უბნის ჩაშლა. ნაციონალურ მოძრაობას კორცხელში ჩაყვანილი ჰყავს ზაზა კედელაშვილის ზონდერ-ჯგუფები, რომელსაც კონკრეტულად ხელმძღვანელობს გიგა ბოკერია და ბატონი ბეჟაშვილი“ - განაცხადა კალაძემ.

ამასთან დაკავშირებით, კალაძის თქმით, ხელისუფლება გეგმავს განცხადების გაკეთებას, სადაც მისი განმარტებით, ფოტოსურათებით კონკრეტული ინფორმაციას მიაწვდის საზოგადოებას.

,,გვაქვს ინფორმაცია, რომ უბნის დახურვის შემდეგაც გაგრძელდება პროვოკაციები. მოვუწოდებთ მოსახლეობას, არ გახდნენ ნაციონალური მოძრაობის დადგეგმილი სცენარის მონაწილეები. მოდის შეტყობინებები რომ მედიას არ აცლიან მუშაობას და ზოგიერთმა პორვოკატორმა ქვების სროლა დაუწყო ჟურნალსიტებს“ - განაცხადა კალაძემ და სამართალდამცავებს მოუწოდა, აღკვეთონ მსგავსი ქმედება და გამოავლინონ თითეული ის პირი, ვინც ამ ტიპის პროვოკაციებს აწყობს და მედიას მისცენ საშუალება, თავისი საქმიანობა თავისუფლად წარმართოს.

,,მინდა აქვე დავამატო პირადად ჩემგან, მე ძალიან კარგად მახსოვს, რას ნიშნავს, როცა ქვას გესვრიან და სიტყვიერ შეურაცხყოფას გაყენებენ. მთელ ძალისხმევას მივამართავ პირადად მე, რომ მსგავსი ველურობა ვერასდროს გაიმეროს ნაციონალურმა მოძრაობამ. მაქსიმუმს გავაკეთებ და მოვუწოდებ ყველას არ დაუშვათ ნაციოანლური მოძრაობის სცენარით მოველნების განვითარება“ - განაცხადა კალაძემ.