ნაციონალური მოძრაობის წევრი გოკა გაბაშვილი ცენტრალური საარჩევნო კომისიის თავმჯდომარის, თამარ ჟვანიას განცხადებას პასუხობს, რომელიც კონცხელში მომხდარ ინციდენტთან დაკავშირებით გაკეთდა. მისი თქმით ცესკომ არასათანადოდ შეასრულა საკუთარი ვალდებულებები და არ განმუხტა ადგილზე არსებული დაძაბული ვითარება.

"სამარცხვინოა ცენტრალური საარჩევნო კომისიის თავმჯდომარის განცხადება, რომელმაც ორივე მხარეს მოუწოდა სიმშვიდისკენ, ერთის მხრივ იქ იყვნენ ჩასული პოლიტიკოსები, მეორეს მხრივ იქ იყვნენ ჩასული ჩვეულებრივი სადამსჯელო ზონდერ ბრიგადა, რომელიც თავს დაესხა ხალხს. ორივე მხარეს კი არ უნდა მოვუწოდოთ სიმშვიდისკენ, არამედ პირდაპირი მოვალეობა უნდა შეასრულოს ცესკოს თავმჯდომარემ დაუკავშირდეს პოლიციას და განმუხტოს უბნის გარეთ სიტუაცია. ეს ეხლაც არ არის გაკეთებული ადგილობრივიხელისუფლება სინქრონში მოქმედებს ზონდერბრიგადებთან,"-აცხადებს გოკა გაბაშვილი.