ინგლისში, საგრაფო ნორტჰემპტონშირში პოლიციამ ფოტორობოტის მეშვეობით 17 წლის ახალგაზრდა დააკავა, რომელიც მოხუცებული ქალბატონის გაძარცვაში იყო ეჭვმიტანილი. ამაში განსაკუთრებული არაფერი არ იქნებოდა, რომ არა ფოტორობოტზე გამოსახული ადამიანის საოცრად არაბუნებრივი სახე. ამ ფოტომ რამდენიმე კვირის წინ ინტერნეტში დიდი აურზაური და საყოველთაო დაცინვა გამოიწვია.

ფოტორობოტი თავად დაზარალებული 95 წლის ქალბატონის აღწერის საფუძველზე პოლიციის მხატვარმა შეადგინა, რომელიც დაცინვის მთავარი ობიექტი გახდა. თუმცა, სურათის ავტორი ირწმუნებოდა, რომ იგი რეალობასთან მიახლოებული იყო.

მიუხედავად დაცინვებისა, პოლიციამ ძიება განაგრძო და ყველასთვის გასაოცრად რამდენიმე დღის წინ პოლიციას უცნობი ადამიანი დაუკავშირდა და დამნაშავე ბიჭის ადგილსამყოფელი აცნობა. მას ახლა სასამართლო ელოდება.