,,მოძალადეთა ჯგუფის“ მობილიზება არჩევნების ჩასაშლელად ნასაკირალშიც დაიწყო“

პოლიტიკა - 16:23, 22 May, 2016

3242

"ხელისუფლება ნასაკირალში არჩევნების ჩასაშლელად ემზადება"-ამის შესახებ განცხადება ენმ-ის ოზურგეთის ორგანიზაციის ხელმძღვანელმა დავით მჟავანაძემ გამართულ ბრიფინგზე ამ წუთებში გააკეთა.

მისი განცხადებით, ხელისუფლება ხვდება, რომ ნასაკირალში არჩევნები წაგებული აქვს და დაიწყო ყველა იმ ადამიანის მობილიზება ადგილზე, ვინც თავის დროზე "ნაციონალური ოფისების' დარბევაში იღებდა მონაწილეობას.

მჟავანაძე ამბობს, რომ სპეციალური ჯგუფი, ნუგზარ ცინცაძის, ცანცუას ხელმძღვანელობისთ მათ ლანჩხუთიდანაც ჩამოიყვანეს: "ცანცუა 10 კაცით არის ლანჩხუთიდან ჩამოსული, ადგილზეა ასევე გუბერნატორის მოადგილე, სოსო ერქომაიშვილი, გუბერნიის წარმომადგენელი ნესტორ რამიშვილი, ეს ის ადამიანები არიან, ვინც მონაწილეობდნენ ჩვენი პარტიის ოფისების დარბევაში.

მჟავანაძე მოუწოდებს სუსის უფროსს, რომ დროულად აღკვეთოს შესაძლო დაპირისპირება და გაიყვანოს ეს ადამიანები საარჩევნო უბნებიდან, ვინც, მისივე განცხადებით, პირდაპირ თუ არაოფიციალურად მის სამსახურთან არიან დაკავშირებულები. მოვუწოდებ ასევე ხელისუფლებას, რომ უზრუნველყონ არჩევნების მშვიდობიანად ჩატარება და თავი აარიდონ პროვოკაციებს" -ამბობს მჟავანაძე.