"ნაციონალური მოძრაობა" წყალტუბოში საარჩევნო უბანთან ფულის გადაცემაზე საუბრობს

პოლიტიკა - 12:00, 22 May, 2016

2092

წყალტუბოს რაიონის სოფელ წყალტუბოში ადგილობრივი თვითმმართველობის შუალედური არჩევნები მიმდინარეობს. სოფელ წყალტუბოში შუალედურ არჩევნებზე სამი კანდიდატი - ,,ქართული ოცნების,, ,,თავისუფალი დემოკრატებისა,, და ,,ნაციონალური მოძრაობიდან არიან წარმომადგენლი.
უკვე დაფიქსირდა გარკვეული დარღვევები, რომელზეც ოპოზიცია ამახვილებს ყურადღებას.
კერძოდ, საარჩევნო პროცესი დაგვიანებით დაიწყო. N49 უბანზე ხმა ამომრჩეველმა 20 წუთის დაგვიანებით მისცა. უბანი 08.00 საათზე უნდა გახსნილიყო, თუმცა საარჩევნო კომისიას შესაბამისი პროცედურების გავლა დააგვიანდა.

წყალტუბოს N58 საოლქო საარჩევნო კომისიის თავმჯდომარემ გიორგი ნიჟარაძე აცხადებს, რომ გარკვეული პოლიტიკური პარტიები ხელს უშლიან საარჩევნო პროცესის მიმდინარეობას, რის გამოც ხმის მიცემის პროცესის დაწყება დაგვიანდა.

ნაციონალური მოძრაობა წყალტუბოში შუალედურ არჩევნებზე ამომრჩევლის მოსყიდვის ფაქტებზე საუბრობს. პარტიის წარმომადგენლების თქმით მათ აქვთ ვიდეომასალა, სადაც ასახულია როგორ აძლევს პარტია ქართული ოცნების კოორდინატორი ერთ-ერთ ქალბატონს თანხას. ნაციონალურ მოძრაობაში განმარტავენ, რომ მოქმედება წყალტუბოს 52-ე საარჩევნო უბანთან ხდება და ქალბატონს, რომელიც ფულს იღებს ხელში სია უჭირავს.

ამ თემაზე კომენტარი გააკეთა ქართული ოცნების საარჩევნო შტაბის ხელმძღვანელმა ცოტნე ზურაბიანმა და განაცხადა, რომ ეს არის პროვოკაცია, რომელსაც ნაციონალური მოძრაობა აწყობს. მისი თქმით, ნაციონალური მოძრაობის წარმომადგენლები საარჩევნო უბნებთან დგანან და საკუთარი პარტიის აგიტაციას ეწევიან.