,,ეს არის ერთჯერადი მკვლელობა და არა სისტემური ხასიათის“

,,ეს არის ერთჯერადი მკვლელობა და არა სისტემური ხასიათის“ - ზაქარეიშვილი ხურჩის მკვლელობაზე

პოლიტიკა - 20:54, 21 May, 2016

2875

შერიგებისა და სამოქალაქო თანასწორობის საკითხებში სახელმწფო მინისტრმა პაატა ზაქარეიშვილმა ხურჩაში მომხდარი მკვლელობის ფაქტზე კომენტარი გააკეთა.
როგორც მან ჟურნალისტებს განუცხადა, გიგა ოთხოზორის მკვლელობა ეჭვქვეშ აყენებს სამშვიდობო პოლიტიკას.
მინისტრის ინფორმაციით, 2012 წლის შემდეგ ამ ტიპის დანაშაული საოკუპაციო ხაზის გასწვრივ არ ჩადენილა.
„სამწუხაროდ, ეს ჩვენი ხელისუფლების პერიოდში პირველი ასეთი მსხვერპლია, რაც, ეჭვქვეშ აყენებს იმ სამშვიდობო პოლიტიკას, რაც ამდენ ხანს ხორციელდებოდა. თუმცა ჩვენ სამშვიდობო პოლიტიკას არავითარ შემთხვევაში არ გადავუხვევთ, მაგრამ მკაცრად და მკაფიოდ მოვითხოვთ, რომ დაისაჯოს ის ადამიანი, მკვლელი, რომელიც იდენტიფიცირებულია. კარგად ჩანს, რომ ეს იყო ცინიკური, ამაზრზენი ფორმით განხორციელებული მკვლელობა. არასდროს ყოფილა, რომ სამშვიდობო პროცესში ასეთი უტიფარი, ცინიკური მკვლელობა განხორციელებულიყო... ეს არის საშინელი მკვლელობა. სისხლის სამართლის უდიდესი დანაშაული, მაგრამ ქვეყანაში მდგომარეობა მძიმე არ არის. ჩვენდა საუბედუროდ, მოხდა გამონაკლისი მკვლელობა, ეს არ არის სისტემური ხასიათის. რაც იყო „ნაციონალური მოძრაობის“ დროს, ის არ მეორდება. ეს არის ერთჯერადი და ყველაფერს გავაკეთებთ, რომ ეს იყოს ერთადერთი“, - განაცხადა პაატა ზაქარეიშვილმა.
ზაქარეიშვილის აცხადებს, რომ პირდაპირი პასუხისმგებლობა არის იმ ძალაზე, რომელიც ეფექტურად ახორციელებს მმართველობას დღეს ე.წ. სამხრეთ ოსეთისა და აფხაზეთის ტერიტორიაზე.