დავით კოღუაშვილის პარტიაში რჩება - ოცნების პოლიტსაბჭოს გადაწყვეტილება

პოლიტიკა - 17:02, 21 May, 2016

3490

"ქართული ოცნბა -დემოკრატიული საქართველოს" პოლიტსაბჭოზე დავით კოღუაშვილის პარტიიდან გარიცხვის საკითხი დღის წესრიგში არ დამდგარა. ცნობისთვის, თავად კოღუაშვილი პოლიტსაბჭოზე მიწვეული იყო, თუმცა ის შეხვედრას არ დასწრებია.

"კოღუაშვილი რჩება გუნდში, თუმცა აქვე ითქვა რომ თავად გააკეთებს განცხადებას და განმარტებებს, იმ განცხადებებთან და შეფასებებთან რაც მისი მხრიდან იყო და ამაზე პრემიერმაც ისაუბრა. ასე რომ გუნდის შიგნით რა კითხვებიც იყო, დაისვა და პასუხებიც არის მიღებული"- ღნიშნა ეკა ბესელიამ.

რაც შეეხება სხვა საკითხებს, დეპუტატის თქმით, შეხვედრაზე მიმდინარე საკითხებზე და საარჩევნო საკითხებზე ისაუბრეს.

"ჩვენ ვიმსჯელეთ პარტიის საქმიანობაზე, სტრუქტურულ საკითხებზე, ორგანიზაციულ საკითხებზე, ასევე იმ მიმართულებებზე, რომლითაც ახლა პარტიაა დაკავებული, მათ შორის არის ის ახალი მიმართულებები, რომელზეც ახლა პარტია ყალიბდება და პარტიის შიგნით მუშავდება."- განუცხადა ჟურნალისტებს ეკა ბესელიამ.

კომენტარი გააკეთა პარლამენტის ვიცე-სპიკერმა მანანა კობახიძემაც.

მისი თქმით, კოღუაშვილის პოზიცია არ უნდა იყოს აღქმული გუნდის პოზიციად.

" ეს პოზიცია, რაც მისი მხრიდან იყო გაჟღერებული, არ უნდა იყოს აღქმული გუნდის პოზიციად, ან პილიტსაბჭოს პიზიციად . თუმცა საკუთარ განცხადებაზე ის თავად გააკეთებს განცხადებას. არავის მხრიდან არ დასმულა მისი პარტიიდან წასვლის საკითხი."- აღნიშნა მანანაკობახიძემ.