ხელისუფლება ხურჩაში მომხდარ ფაქტს რეაგირების გარეშე არ დატოვებს

ხელისუფლება ხურჩაში მომხდარ ფაქტს რეაგირების გარეშე არ დატოვებს - ლევან იზორია

პოლიტიკა - 16:28, 21 May, 2016

2281

საქართველოს სახელმწიფო უსაფრთხოების სამსახურის უფროსის მოადგილე ლევან იზორია აცხადებს, რომ ხელისუფლება გიგა ოთხოზორიას მკვლელობას რეაგირების გარეშე არ დატოვებს.
"მინდა პრინციპულად განვაცხადო, რომ ხელისუფლება ამ ფაქტს რეაგირების გარეშე არ დატოვებს" - თქვა იზორიამ, რომელიც ზუგდიდში იმყოფებოდა, სადაც დმოკლულის ოჯახს მიუსამძიმრა.
სუს-ის ხელმძღვანელის მოადგილემ ოპონენტები მომხდარის პოლიტიკური ინტერესებისთვის გამოყენებაში დაადანაშაულა.
მისი თქმით, 2012 წლიდან ასეთ ფაქტს ადგილი არ ჰქონია, თუმცა 2008 წლიდან, სამწუხაროდ, ათეულობით გახმაურებულ ფაქტს ჰქონდა ადგილი.
იზორიას თქმით, ქართული მხარე როგორც ჟენევის, ისე IPRM -ის ფორმატში, მკვლელობაში დამნაშავის უმკაცრესად დასჯის საკითხს დააყენებს.
„თქვენ იცით, რომ ახლო მომავალში, IPRM -ი ჩატარდება გალში, ოთხწლიანი პაუზის შემდეგ.
19 მაისს, დაახლოებით 14:30 საათზე, ზუგდიდის რაიონის სოფელ ხურჩაში, საოკუპაციო ხაზის მიმდებარედ, ოთხმა შეიარაღებულმა ოკუპანტმა, გალის რაიონის სოფელ ბარღების მკვიდრი გიგა ოთხოზორია მოკლა.

იზორიას კომენტარი ”საზოგადოებრივი მაუწყებელმა” გაავრცელა.